السلام عليكم أنا مساعد الشراري، وكل
يوم راح انزل لكم قصة منقولة
من متابعيني لكن لا تنسون تصلون
على النبي وتتابعون حسابي وتشاركون القصة
مع أصحابكم ونبدأ قصتنا لليوم 
تقول صاحبه القصه امي الله يهديها
ويصلحها من النوع اللي تحب تجمع
حريم الحاره عندها بالبيت ودايم بيتنا

مفتوح لاي واحده تجي انا وامي
عايشين بالبيت لحالنا ابوي رحمه الله
عليه متوفي من عشر سنين تقريبا
وانا متخرجه من الثانوي واشتغل واغلب
وقتي برا البيت واول ما ارجع
البيت الاقي ام فلان وام علان
جالسات بالمجلس عند امي وكل واحده
ماسكه قهوتها وشاهيها ويحشون بالعالم والخلق

ويحشون باقرب الناس لهم اللي هم
الجيران على فلانه شفتيها وين راحت
وعلى علانه من وين جات طبعا
كل الناس تعرف انه امي اكثر
واحده تحب الحش في العالم واكبر
نقاله علوم وتسبب فتن بين الجيران
ذاك اليوم جيت من الدوام ودخلت
البيت ودخلت على المجلس سلمت على

امي وسلمت على الحريم اللي كانوا
موجودات الا وانا طالعه سمعت واحده
تقول لامي والله انه ضايق صدري
على ولدي البارح رجعت من عندهم
وهو زعلان من زوجته وما عرفت
اراضيهم على بعض وامي تقول له
قولي قولي شلفتهم يعني بتخبين علي
انا قالت والله تعرفين البيوت ما

تخلو من المشاكل الله يصلح بينهم
وبس هذه الكلمتين اللي قالتها طبعا
امي انقهرت وزعلت وتضايقت انها ما
عرفت السالفه لان لازم تحشر نفسها
بكل شيء وما ترتاح الا اذا
عرفت كل السوالف المهم في الاخير
ما علمتها وقالت لها طيب الله
يستر عليها ويصلحهم لبعض بعض وبعدها

طلعت انا لاني حرفيا ما كنت
احب جلستهم ولا احب سواليفهم راحت
المراه اللي قالت سالفه ولدها وتيجي
واحده ثانيه تقرب من امي وتقول
لها ولدها زعلان من زوجته تتوقعين
وش سوت زوجته عشان يزعل اكيد
انه شيء كبير يعني عشان كذا
ما قدرت انها تحل المشكله بينهم

الا تقول لها امي والله ما
ادري بس انا شاكه في شيء
واتاكدي انا ما يخفى عليه شيء
واعرف كل الاخبار بس الله يستر
عليها خلاص خلاص مو بلازم والله
يستر على بنات المسلمين الا تنجن
 هالمراه وتفتح عيونها تبغى تعرف
السالفه وقربت منها وقالت يلا يلا

قولي وش السالفه يلا بسرعه علميني
وقولي لي بالتفصيل الممل قامت امي
وقالت لها سالفه من راسها تخيلوا
هي ما تعرف السالفه ولا شيء
راحت الفت كل شيء من عندها
وقالت البنت فيها وفيها وكل هذا
بس عشان تسولف وتبين انها تعرف
كل شيء انتهت جلستهم وراحوا بيوتهم

وما خلواحده بالحي الا جابوا سيرتها
وقطعوا فيها وقتها كنت جالسه بالصاله
قال كنت جالسه اكل وتجيني امي
تقول لي ايش فيك قالب وجهك
ايش فيك قالب وجهك خير ان
شاء الله قلت له ترى والله
العظيم حرام عليكم اللي تسوونه بالعالم
تراني طفشت من سواليفكم اللي ما

لها داعي وتهاوشني وتقول لي وانت
ش دخلك فينا مو باقي الا
انت تعلمينا وش اسوي ولا وش
اقول ولا وش اسولف خليك بدوامك
وما لك علاقه فينا كثر الله
خيرا وهم جايين يونسوني ويسولفون معاي
بدل مجالس حالي طول النهار قلت
لها بس يا امي انتم خليتوا

الكل متضايق حتى انا ما صاروا
يطيقوني وانا ما لي علاقه حتى
البنت الوحيده اللي معاي في العماره
اسولف معاها قاطعتني لان سرها علمتك
عليه ورحتي علمتي كل حريم الحاره
ويا ليت قلتي نفس الكلام بالضبط
وبس الا رحتي وزودتي عليه بعد
حرام عليك والله العظيم حرام عليك

لانك قلتي الولد اللي تحبه وخطبها
يجي عندها البيت بدون علم اهلها
عصبت وانكرت وقالت ينقطع لساني لو
اني قايله كذا انت تعرفين تصدقين
فيني وانت تقولين عني هالكلام انا
ما قلت شيء انت تعرفين ان
حريم يزودونها في الكلام وما يخلون
احد بحاله بعدين تراها هي مزودتها

مع خطيبها كل يوم والثاني نشوفه
وهو جايب لها مره هديه ومره
ورد ولا جايب لها شوكلت ولا
ما ادري ايش يعني هي اللي
فتحت باب الكلام عليها اقول ما
عليك منها بس لا تسوي نفسها
مؤدبه وهي من جنبها سكت وقلت
لا حول ولا قوه الا بالله

ودخلت غرفتي حاولت احسسها وافهمها ان
اللي تسويه غلط وما يرضي الله
بس كانت تطنش ولا همها واستمرت
امي على نفس الحال كل يوم
نفس الشيء كل يوم جمعه وكل
يوم سالفه وقصه جديده على واحده
من الجيران الا واحده كانت ساكنه
لحالها بالسطح هالبنت حرفيا جالسه في

البيت وما عمرنا سمعنا عنها اي
شيء حتى ما في اي احد
يعرف ايش سالفتها وليه جالسه لحالها
ما عندها احد مع انها لا
تختلط فينا ولا تكلم اي احد
حتى لو شفناها في بقاله الحي
مثلا نكلمها ما ترد علينا نسلم
عليها ما ترد السلام كانها ما

تبغى تختلط باي احد هالبنت حرفيا
تتجنب اي سوالف مع اي احد
طبعا امي ما ارتاحت الا ولا
تعرف وش سالفتها بيوم من الايام
انا وياها راجعين من السوق وقابلناها
طالعه من العماره قامت امي قالت
لها سلام ما ردت عليها الا
تقول لها خير ان شاء الله

ليه ما تردين السلام ولا ما
انت شايفتني ولا مو عاجبتك البنت
حرفيا كانت منزله راسها ولا ترد
علينا بس امي ما خلتها في
حالها وقامت البنت تقول لامي امي
ايش تبغين فيني الحين؟ قالت انا
ما ابغى شيء بس ابي اشوف
ليه ما تتكلمين مع احد ولا

تردين السلام حتى وبعدين انت ليه
جالسه لحالك وين امك وين ابوك
وين اهلك انت متزوجه ولا لا
كيف مخليينك كذا عايشه لحالك ردت
عليها البنت وقالت له بس كذا
هذا كل شيء تبغينه يلا عن
اذنك وراحت وتركتنا هالبنت حرفيا محيره
امي ونفسها تعرف شالفتها كانت مضايقتها

انها ما لقت عليها اي شيء
تقوله امي حطتها في بالها وقررت
انها تطلع عليها سالفه في يوم
جات انا جارتنا الملقوفه كالعاده نادتها
امي وتقول لها تعالي اجلسي جنبي
قربي بعلمك سالفه البنت اللي ساكنه
لحالها فوق طلعت سالفتها سالفه وذيك
قربت منها ركض وقالت ايش شوقتيني

ايش فيها قالت لها والله عرفت
عنها سوالف استغفر الله تشييب الراس
هي ما تكلم احد ولا تحاول
تحتك فينا عشان ما نعرف سرها
اللي مخبيته تعرفين هي فوقنا ساكنه
وانا دايم اشوف رجال طالعين نازلين
من عندها استغفر هي متزوجه وزوجها
مسافر للعمل وهي جالسه وماخذه راحتها

بالشقه وانا شايفتها بعيون الاثنتين اللي
بياكلهم الدود كل يوم رجال طالع
عندها ورجال نازل تخيلوا جارتنا الملقوفه
قالت لا هذه السالفه ما ينسكت
عنها ولازم اعلم عليها كل الحريم
عشان ينتبهون منها وينتبهون على ازواجهم
اخاف انها تلف عليهم وتاخذهم قالت
امي لا لا انتبهي مهما كانت

هذه جارتي قالت اقول لا تصيرين
طيبه لهالدرجه هالاشكال ما يبغى لها
الا تتأدب عشان تتعدل او تطلع
من العماره وتفتكين منها قالت امي
طيب اسمعي تكفين لا تجيبين سيرتي
ولا تقولين انه انا قلت طيب
طبعا امي عارفه ان جارتنا هذه
الملقوفه بتنقل كل شيء للجيران وبتعلم

كل الحريم بالسالفه والسالفه انتشرت باسرع
وقت وباسرع من البرق حتى والكل
عرف بالسالفه وبدات الاحظ انه الكل
صار يتكلم عليها والكل قام يطالع
فيها بنظرات وكانهم مو طايقينها والبنت
المسكينه حرفيا مو فاهمه اي شيء
مو فاهمه فاهمه وش السالفه ومع
هذا لانها واثقه من نفسها ما

اهتمت انها تسال وش السالفه ولا
ليش يطالعون فيها كذا لانه اصلا
ما تكلم احد تخيلوا بعد اسبوع
بالضبط*******ومشاكل وكانت من الشقه اللي فوق
اللي هي شقه البنت الليالها زادت
الاصوات وطلعنا انا وامي عند باب
الشقه عشان نشوف ايش في الا
نشوف البنت نازله من شقتها وفي

واحد يركض وراها واول ما وصلت
عندنا امي سحبتها ودخلتها بشقتنا وقامت
تسالها ايش فيك يا بنتي انت
ايش فيك؟ البنت كانت نازله وهي
متبهدله وشعرها متنكش وبدون عبايه وكانت
بلبس البيت وتصـ'ـارخ وتبكي وتقول مظلومه
والله مظلومه وامي تهديها شوي يدخل
هالرجال داخل شقتني اللي يركض وراها

وبعدها قال لها انت طالق طالق
يا خاينه يلي سيرتك على كل
لسان يا قليله الادب يلي ما
تستحين على وجهك وقام يسـ'ـب ويلـ،ـعن
فيها وهي تصيح وتقول له مظلومه
والله مظلومه قال لها انقلعي عن
وجهي ولا عاد اشوف وجهك وطلع
من الشقه انا بعدها عرفت انه

امي السبب لان هذه مو اول
مره امي تكون سبب طلاق واحده
طلع زوجها من شقتنا وقامت امي
تسال وتقول لها علميني ايش فيك
وكانها ما سوت شيء قالت له
انا ما ادري مين يتكلم فيني
ومين معلم زوجي ومفهمه اني اخونه
واجيب رجال عندي بالشقه لكن حسبي

الله ونعم الوكيل حسبي الله ونعم
الوكيل في كل واحده تكلمت علي
الله ياخذ حقي منها امي بعدها
سكتت وما قالت اي شيء وباين
انها متفشله او انها خايفه من
دعاوي البنت لانه البنت حرفيا كانت
تبكي وتدعي من كل قلبها اخذت
البنت ودخلتها غرفتي وجبت لها مويه

وجبت لها عصير عشان اهديها وقامت
تحكي لي السالفه بالضبط وفي الاخير
كلمت اخوها وجاء اخوها واخذها ومن
يومها ما شفناها نهائي تحسبون امي
بطلت ولا قالت خلاص كفايه اللي
صار وكذا بالعكس استمرت على نفس
الوضع ونفس المنهج ومرت الايام وجا
يوم خطبت انا فيه وتزوجت ورحت

مع زوجي كانت حياتي سعيده وهاديه
وما فيها اي مشاكل. زوجي كان
طيب وحنون وكلامه حلو معاي في
يوم تخيلوا جاتني واحده وكانه ربي
مرسلها لي. تخيلوا قالت ترى في
واحده تطلع عنك كلام وتشوه سمعتك
بالعماره وتقول انك تخونين زوجك ودايم
تجيبين رجال عندك بالشقه. تخيلوا قالت

لي كده بالحرف الواحد لان زوجك
دوامه طويل وانت مستغله هالشيء متخيلين
ربي كيف ياخذ الحق هالكلام وصل
لامي وبعدها تاكدت انه هالشيء مقصود
عصبت امي وقالت شلون تجيبين سيره
بنتي على لسانك بنتي اشرف من
الشرف وبنتي اشرف وحده بالحي وما
ادري ايش المهم قامت تعصب عليها

وقامت تسبـ'ـها قالت لها اقول لا
تجلسين تصـ'ـارخين علي روحي عند بنتك
وروحي عند اللي طلعت الكلام عن
بنتك وشوفي بنتك وش تسوي من
وراك ومن ورا زوجها وش درانا
يمكن كلامها صح وهالشيء من كثر
كلامك في الناس كلمي بنتك وعقليها
لا يسمع زوجها بالسالفه ويطلقها زي

ما تسببتي بطلاق غيرها المهم ذاك
اليوم اصواتهم كانت عاليه وتهاوش والكل
سمع بالسالفه لين جا يوم تكرر
نفس المشهد حق البنت تخيلوا جيت
عند امي وانا ميته صيـ'ـاح وادق
عليها الباب ادق ادق يومها كان
زوجي مطلقني وطاردني من الشقه بملابس
البيت والحمد لله واحده من الجيران

سترت عليه واعطتني عبايه ووصلتني لبيت
اهلي لبيت امي طبعا كان نفس
السبب زوجي قال لي هذه اخرتها
انا بعيشك بهنا ونعيم وانت تخـ'ـونيني
فتحت لي امي الباب وقامت تهاوش
ايش فيك وش اللي صار لك
وعلمتها بالسالفه قامت اتصلت على زوجي
وقامت تسـ'ـب وقالت له انت وشوانت

ما تستحي على وجهك قال لها
اقول انقلعي انت وبنتك الخـ'ـاينة اللي
ما تستحي على وجهها انا ما
اشره عليها واحده عايشه مع امها
لحالها اكيد انها بتكون ماشيه على
كيفها قامت تقول له تكفى لا
تقول عنها كده والله بنتي ما
في زيها والله بنتي اخلاق وما

تخـ'ـون وكل هذا كذب طبعا ما
صدقها وقفل الخط بوجهها حاولت تهديني
وتقول لي ما عليك ولا يهمك
بكره زوجك يعرف السالفه وبكره يعرف
انك ما تخـ'ـونينه ولو ما صدق
راح ازوجك احسن منه قلت حرام
عليك كله منك ومن كلامك على
العالم ارتحتي الحين ارتحتي لما انتطلقت

وسيرتي صارت على كل لسان بالحي
اكيد هذه دعوه البنت انت اللي
ظلمتيها وتكلمتي عليها وزوجها طلقها حسبي
الله ونعم الوكيل حسبي الله ونعم
الوكيل امي بعدها ما تحملت كلامي
وما تحملت كلام الناس عليها وقامت
تصيح وتبكي طول الوقت لين طاحت
على الارض واخذتها على المستشفى وقتها

دريت انها جاتها جلطه لانها ما
تحملت كلامي وكلام الجيران علي ونظراتهم
لها واستمرت حالتها ليومكم هذا ما
تقدر تتكلم وكانه ربي شل لسانها
عن الكلام عشان تكف اذاها عن
الناس والحمد لله على كل حاليا
انا جالسه في البيت ومطلقه حتى
الوظيفه طلعت منها لانها الكلام وصل

لبنات الدوام وما قدرت اتحمل نغزاتهم
وتلميحاتهم علي دعواتكم الله يصبرني على
هالوضع اللي ما احد يتحمله صدق
وبس والله انتهت قصتنا لليوم ٠