السلام عليكم أنا مساعد الشراري ،
وكل يوم راح انزل لكم قصة
منقولة من متابعيني لكن لا تنسون
تصلون على النبي وتتابعون حسابي وتشاركون
القصة مع أصحابكم ونبدأ قصتنا لليوم
؛ تقول صحبه القصه انا
عشت طفولتي في بيت دافي وبين
جدران عائله تحكمها العادات والتقاليد كبرت
وانا اشوف ان لابوي الكلمه الاولى
والاخيره في البيت كان دائما يحرص
اننا نطلع سنعات وبنات اصل ويفتخر
فيهم قدام القبيله مرت الايام والسنوات،
ودخلت الجامعه كنت مثل اي بنت
حلمها تخلص دراستها تتوظف تتزوج الانسان
اللي يصونه ويكون سند لها في
الدنيا لما وصلت لسن الزواج تقدم
لي رجال من نفس قبيلتنا زواج
تقليدي بحت، ابوي سال عنه
وعن اهله والكل مدح في اخلاقهم
ورجولتهم وطيب باصلهم وتمت الموافقه والمشوره
وسوينا ملكه وعرس بسيط حضروه الاقارب
دخلت بيته وانا ماني عارفه ش
مخبيه للمستقبل ؟ لكن من اول
شهر زواج اكتشفت اني خذيت رجال
طيب صالح الكلمه بشكل ما احد
يتخيله كان يداري خاطري وما يرضى
علي الزعل ابدا ، سكنت مع
اهله في نفس البيت عاملوني كاني
بنتهم ام زوجي كانت تدلعني وتطمن
على اكلي وشربي اهل زوجي كانوا
ساكنين تحت واحنا لنا شقه فوق
يعني شقه لوحدنا ابو زوجي كان
يوصي عياله وبناته عليه ، اخواته
صاروا مثل خواتي واكثر نقضي يومنا
كله سوالف وضحك وطبخ، يعني انا
العصر انزل لهم نطبخ مع بعض
نسوي كيك وقهوه ونتونس مع بعض
كانهم خواتي عشت معهم ثلاث سنين
كامله كانت من اجمل ايام حياتي
استقرار تام وراحت بال ما بعدها
راحه زادت فرحتنا وتوجت هذه السعاده
لما ربي رزقني بطفل الاول اللي
ملا علينا الدنيا وفرحوا في الجدان
والاعمام والعمات وصار هو المحور اللي
تدور حوله حياتنا كلها، كنت اقول
في نفسي ان الدنيا ضحكت لي
ومستحيل يجي يوم يتغير في هذا
الحال السنه الثالثه من زواجنا وتحديدا
في يوم كنا مجهزين حالنا ومخططين
نروح نزور اهل زوجي ننزل تحت،
ونقضي معهم جمعه من جمعاتهم المعتاده
كنت انا مخلصه لبس ومجهزه ولدي
الصغير وقاعده في الصاله انتظر زوجي
خلاص ينزل عشان ننزل تحت، زوجي
قال لي انا باخذ ******* سريع
والبس ثوبي وعشان نطلع ما نتاخر
قعدت انتظره ربع ساعه نص ساعه
الوقت جالس يمر وهو من عادته
ما يطول في الحمام تكرمون اذا
كان مستعجل بديت احس بنغزه في
قلبي وبقلق غير طبيعي صعدت الشقه
،رحت لجهه دوره المياه طقيت الباب
بقوه واناديه باسمه لكن ما كان
في اي رد ولا حتى صوت
مويه او حركه هنا خفت دفيت
الباب بقوه لما انفتح شفت المنظر
اللي طير عقلي من راسي زوجي
كان طايح على الارض مغم عليه
والدم يعبي المكان بشكل يخوف بسبب
ضربه قويه وجرح عميق في راسه
،تجمدت في مكاني وابي اصارخ لكن
مسكت نفسي بسرعه طلعت الجوال واتصلت
على الاسعاف واعطيتهم الوصف وانا ابكي
وارجف وبحكم انه اهل زوجي ساكنين
تحت اتصلت على خوات زوجي ،وكنت
مره منهاره اقول لهم زوجي بيموت
في الحمام والدم في كل مكان
بعد ما قفلت منهم اتصلت على
اخوي وابوي وانا من نهار نفس
الشيء اخوي الكبير لما سمع صياحي
على طول اخذ ابوي وعلمه بالسالفه
بشكل سريع وخلال دقائق بسيطه وصلوا
اخواني وابوي لبيتي لانه ساكنين قريبين
مننا واهل زوجي اساسا طلعوا على
طول وصل الاسعاف، ابو زوجي واخوانه
شالوا زوجي وهو غايب عن الوعي
تماما توجهنا كلنا في حاله ذعر
وصدمه للمستشفى عشان نشوف ش اللي
صار له كيف طاح بهذه الطريقه
المرعبه وصلنا المستشفى وقلبي وصل لحلقي
وانا كلي رشفه وثيابي عليها من
******* زوجي كنت ادعي ربي انه
يطمن قلبي عليه بس الصدمه اللي
ما كانت على البال ولا على
الخاطر بدات اول ما وقفنا عند
غرفه الطوارئ ام زوجي واخواته اول
ما شافوني وبدل ما يواسوني او
نطمن بعض تغيرت وجهه وامتلت غل
وعصبيه بداوا يصارخون علي بوجهي قدام
الرايح والجاي ويتهموني اتهام صريح ومباشر
يقولون انت اللي ذبحـ،ـتيه انت اللي
حاولتي تقتلين ولدنا وتتخلصين منه بالبيت
انا تنحت ما قدرت ارد من
قوه الكلمه ابوي واخواني حاولوا يهدون
الوضع يقولون لهم تعوذوا من ابليس
البنت هي اللي بلغت، وهي اللي
انقذته بس ما كان في فايده
كبرت السالفه في ممرات المستشفى وراحوا
اهل زوجي اشتكوا علي عند شرطه
المستشفى جاء العسكري واخذ اقوالي وانا
منهار واحلف له اني مالي ذنب
واني دخلت ولقيته بطيحته هذه المصيبه
انهم ما اكتفوا بالشكوه طردوني من
المستشفى ومنعوني اقعد او اشوف زوجي
ابوي شالني وانا ابكي ورجعني البيت
اهلي ،زوجي دخل في غيبوبه كامله
واستمرت لمده شهر كامل غايب عن
الدنيا والكل ينتظر والتحقيقات مستمره بس
اهل زوجي كانوا مشحونين وباديين يخططون
ش بيسوون لو صحي ولدهم بعد
مرور شهر كامل ربي كتب لزوجي
عمر جديد، وصحي من الغيبوبه
، بس الصدمه انه صاحي وهو
فاقد للذاكره ما يتذكر ش صار
ولا كيف طاح ولا حتى يعرفني
زين اهل زوجي استغلوا غيابه عن
الوعي وفقدانه للذاكره وبداوا يغذون عقله
بكلام كذب وتلفيك كانوا يقولون كل
يوم زوجتك هي اللي حاولت تتخلص
منك هي اللي ضربتك على راسك
كانت تبي تذبـ،ـحك لولا ان ربي
نجاك وجينا وشلناك الرجال مع التعب
وقله الوعي صدق كلام اهله وبدا
ينفر مني ويكرهني قرر انه يسكن
في بيت اهله عشان ما ارجع
انا للبيت واشوفه ما وقف الموضوع
عند النفره وبس الرجال من كثر
ما شحنوا راسه اهله لما جيته
في يوم لبيت اهله وبكل قسوه
وجفا قفل باب البيت في وجهي
طردني منها قدام الناس قال لي
ما ابي اشوفك يا مجرمه انا
طلعت وانا كل حسره على السنين
اللي عشتها معاه وعلى الظلم اللي
جاني من اهله رجعت لبيت اهالي
وانا ماني مصدقه انه هذا هو
نفسه زوجي الحنون اللي كان يداري
خاطري !! وصدمتي الاكبر من اهل
زوجي يعني ما بيني وبينهم اي
مشاكل ، طول الثلاثه سنين اللي
تزوجت فيها ما عمري جرحتهم بكلمه
ولا هم جرحون بكلمه ما ادري
ش هالتغير المفاجئ اللي صار اهل
زوجي ما اكتفوا بطردي وتشويه سمعتي
قدام ولدهم بل بداوا ينفذون الجزء
الثاني من خطتهم عشان يكسرون عيني
ويحرقون قلبي في يوم طلبوا ولدي
الصغير عشان ابوه يبي يشوفه طبعا
واحده من خوات زوجي جت واخذته
وانا قاعده في بيت اهالي بعدها
جاني خبر انهم اخذوا ولدي الصغير
مني وما راح يرجعونه لي فصلوه
عني وهو ما زال طفل يحتاج
لامه ورعايتي بكيت صرخت حاولت اكلمهم
لكنهم قفلوا كل الابواب في وجهي
صاروا حريصين ان الولد ما يشوفني
ولا اسمع صوته والاقوى من هذا
كله انهم قعدوا فوق راس زوجي
وضغطوا عليه بكل الوسائل مستغلين انه
لس ما استعاد ذاكره وتفكير مشوش
ومصدق سالفه اني كنت ابي اذبـ،ـحه
واجبروه انه يطلقني وفعلا تحت ضغط
اهله واصرارهم وافق وزرعوا وزرعوا في
قلبه الكره لي بس لسع ما
تم الطلاق يعني ما نطقها ما
ادري هو بدات ذاكرته ترجع له
ولا ش السبب ما عرفت بس
ما طلقني ومع انه ما طلقني
بس اخذ ولدي مني وحسيت وقتها
ان الدنيا اسودت في عيوني خسرت
زوجي اللي كنت احبه وبيت اللي
بنيته واغلى ما املك في دنيتي
هو ولدي اللي اخذوه مني بدون
اي وجه حق او رحمه بس
الشوق لولدي كان يحرقني حرق وما
قدرت اتحمل البعد عنه اكثر في
يوم الاحد صباحا انا اعرف انه
اهل زوجي مو موجودين في البيت
يعني دائما الصباح يكون البيت فاضي
البنات في الجامعه ام زوجي دائما
تطلع الصباح يعني ما حيكون في
احد في البيت فقلت هذه فرصتي
اروح اشوف ولدي واضـ،ـمه لصدري ويمكن
اقدر اخليه عندي رحت لبيتهم دقيت
العامله فتحت لي الباب ودخلت بس
الصدمه انه خوات زوجي كانوا موجودين
وما طلعوا مثل ما كنت اظن
اول ما شافوني داخل البيت جنجنون
واعتبروا جيتي تحدي لهم وبدون اي
مقدمات او كلام هجموا علي وبداوا
يضـ،ـربوني بكل قسوه وعنف صفقوني تصفيق
شدوا شعري وسحبوني على الارض وكانوا
يصارخون ويقولون هذا انتقام لاخونا اللي
بغيتي تذـ،ـبحينه صراخي مل الحاره والحسن
الحظ ان الجيران سمعوا الصوت وشافوا
اللي صاير تدخل بسرعه وفكوني من
يدينهم قبل ما يصير لي شيء
اكبر الجيران مسكته اتصلوا على الشرطه
مباشره وخلال دقائق وصل دوريات للموقع
تدخلت الشرطه واخذوا اطراف السالفه كلها
وكلموا اهلي واهل زوجي عشان يجون
للمركز ويشوفون هالمصيبه اللي صارت ابوي
واخواني اول ما جاهم اتصال الشرطه
وعلموهم بالسالفه وان خوات زوجي هاجمين
علي وطاقيني بوسط بيتهم جنونه وطلعوا
للمركز والدم يغلي في عروقهم ابوي
لما دخل وشاف حالتي وشعري المنتف
ووجهي المتاثر من الطق امتلت عيونه
امتلت عيونه بدموع الغضب والزعل حلف
يميني انه السالفه ما تمر بسلام
واعتبر انه اهل زوجي ما كفاهم
الظلم الاول والاتهام الباطل وتشويه السمعه،
بل وصل فيهم الخطا انهم
يمدون يدينهم على بنته ويهينون كرامتها
في المقابل عسكر المركز والضابط المسؤول
لما شافوا التقرير الطبي والشهود من
الجيران اللي فزعوا لي تبين لهم
ان القضيه ضيق وفيها سجـ،ـن مؤكد
لاخوات زوجي لانهم هجموا عليه بضرب
جماعي مبرح هنا اهل زوجي وابوه
لما حسوا بالحبل يلتف على رقاب
بناتهم انه السجـ،ـن صار اقرب لهم
طاحوا عند ابوي وبداوا يترجون ويتوسطون
ويتوسطون عشان اتنازل بس ابوي كان
مثل الصخر رفض كل الواسطات في
البدايه قال بناتكم يطقون بنتي بوسط
بيتكم وتبوني اسكت والله لادخلون السجن
واحده واحده اتصلوا اهل زوجي على
وجهاء القبيله عشان يجوا ون يتوسطون
لابوي، خلال دقائق وصلوا الوجهاء
القبيله عند مركز الشرطه الكل يحاول
يهدي ابوي واخواني بعد محاولات وضغوطات
وتدخل من كبار العائله والقبيله اللي
قالوا لابوي يا ابو فلان السالفه
بتكبر وبتصير فضيـ،ـحه بين القبيله وقطع
ارحام ما وراه رجع تراجع ابوي
شوي وحط شرط صارم وقاسي عشان
يتنازل عن القضيه ابوي التفت على
ابو زوجي وقال له انا بتنازل
عن قضيه الطق وبناتك ما راح
يدخلون السجـ،ـن بشرط واحد ولدكم يطلق
بنت الحين وبنفس الجلسه وباوراق رسميه
وتتنازلون عن القضيه القديمه والاتهامات الباطله
اللي رميتوها على بنتي ونقفل هالصفحه
وكل واحد يروح في سبيله ابو
زوجي وافق فورا هو عارف انه
هذا المخرج الوحيد لبناته وجاب ابو
زوجي للمركز وهو لسه فاقد ذاكرته
وتمت اجراءات التنازل المشترك من الطرفين
وقع زوجي على اوراق الطلاق بطلب
واجبار من ابوي واهله طلعت من
المركز وانا مضروبه ومطلقه رسمي رجعت
لبيت اهلي بجسد تعبان ونفسيه مكسوره
على كل اللي صار لي بعد
ما انتهت سالفه المركز والطلاق بديت
مرحله جديده مليانه جفا وقطيعه تامه
تقاطعت العائلتين بالكامل صار بيننا وبين
اهل زوجي جدار ******* للحد يكلم
الثاني ولا احد يمر من عند
بيت الثاني المصيبه الاكبر انهم استمروا
في حرماني من شوفه ولدي الصغير
وصار قلبي يتقطع عليه كل يوم
وانا ماني قادره اسوي شيء بس
سبحان مغير الاحوال بعد فتره من
طلاقي نزل قضاء الله وقدره وصار
صار الشيء اللي قلب الموازين كلها
زوجي بدات ترجع له الذاكره تدريجيا
وبدا يستوعب كل اللي حوله تذكر
تفاصيل الحادثه ذيك الليله كامل الرجال
اكتشف انه ما تعرض لا لمحاوله
قتـ،ـل ولا لضـ،ـرب من جهتي كل
السالفه انه في ذاك اليوم صار
له هبوط حاد ومفاجئ في ضغط
الدم وهو بالحمام تكرمون داخ وطاح
على راسه وضرب في حافه البانيه
بقوه هي اللي سببت له الجرح
العميق والنزيف والغيبوبه اول ما استوعب
الصد صدمه وعرف انه اهله ظلموني
ويلفقوا السالفه علي واستغلوا فقدانه للذاكره
عشان يطلقوني منه ويحرموني من ولدي
جنونه ندم ندم عمره على كل
اللي سواه فيني وهو غايب عن
الوعي الرجال ما كذب خبر اول
ما استرد عافيته وذاكرته كامله جاء
وكلم ابوي واخواني واعتذر منهم وبغى
يحب على رؤوسهم وقال انا عرفت
الحقيقه والحادثه كانت مجرد هبوط وضغط
وسقوط في البانيه وانا شاري زوجتي
وابي ارجعها اليوم قبل بكره وولت
ماله ذنب يتشتت بعيد عن امه
وابوه بس ابوي رفض طرده الحين
انا في وضع ما يعلم فيه
الا الله ومن جهه انا احب
زوجي وابيه ومستعده ارجع له اليوم
لان ما له ذنب في كل
اللي صار وكان فاقد لاهليته وذاكرته
والان ولدي جالس يتشتت بين البيوت
وضايع بدوني ومن جهه ثانيه ابوي
رافض الموضوع رفض قاطع ونهائي يقول
لو تنطبق السماء على الارض ما
ترجعين لعائله اتهموك بالقـ،ـتل وبغوا يسجنونك
وطقوك وهانوك انا ماني قادره اكسر
كلمه ابوي وازعله واغضبه علي بعد
كل اللي سواه والوقفه اللي وقفها
معاي بالمركز قلت قصتي لاني عايشه
في غصه ونكد ونار تحرقني من
الداخل بين شوقي لولدي وزوجي اللي
يبيني وابيه وبين خوفي من زعل
ابوي اللي وقف معاي والحياه صارت
في عيني سودا والولد ضايع في
النص بين عناد الاهل وقطيعه العوايل
شوروا علي ش اسوي عشان اخلي
ابوي يرضى يخليني ارجع لزوجي مع
ان زوجي حتى قال لابوي انه
مستعد ياخذ لي شقه بعيده عن
بيت اهله لان حتى هو زعلان
من اهله على كل اللي سووه
فيني فما يبينا نسكن في نفس
بيت اهله ، الله
يسعدكم اعطوني حلول كيف اخلي ابوي
يسامح زوجي انتهت القصه٠
