السلام عليكم أنا مساعد الشراري، وكل
يوم راح أنزل لكم قصة منقولة
من متابعيني لكن لا تنسون تصلون
على النبي وتتابعون حسابي وتشاركون القصة
مع أصحابكم ونبدأ قصتنا لليوم؛ هذه
سكرة تقول: انا تزوجت وعمري صغير
مرة والله، ابتلاني بزوج مريض في
الشك من تزوجته وهو مريض في

شكه كان متقطع أسبوع كذا يعدي
مليان شك وأسبوع هادي كان كذا
يتغير علي بدون أي سبب أو
خطأ انا سويته إذا بدا أسبوع
مرضى انا ما أقدر أخرج من
البيت مع ذلك يروح يتصل على
أبوي اني انا 24 ساعة برا
البيت واني اخرج بدون إذنه وانه

حتى لو أحد جاني من الجيران
أو اهلي بعد ما يروحون ما
ننام من كثر الكلام اللي يقوله
لي أنت متغيرة انت اخلاقك زفت
يقول اني ما اهتم فيه ما
اهتم الا بالجيران واهلي وانا اخلاق
مع كل الناس الا معاه هو
لدرجة انه أحياناً يطرد اللي يجيني

البيت ولا يجلس معاي يقفل على
نفسه في الغرفة إذا دخل البيت
ما ياكل معاي أبداً ما يصرف
على البيت بأي شيء لو نموت
انا وبناته ما أثر فيه شعرة
تخيلوا كان يسوي مشكلة كبيرة كل
ما رحت قلت لاهلي قال بنتك
كذا وبنتك تدور المشاكل عشان اطلقها

طبعا أبوي كان يصدقه كان يتصل
علي يعطيني من الكلام يخلي الواحدة
تكره نفسها ومره من المرات 
ضـ'ـرب بنته كسر اصبعها وأسنانها بس
لأنها ضـ'ـربت بنت اختها قال لك
انا اللي حرضتها  عشان أفرق
بينه وبين اهله من المواقف انه
كسر غرفة النوم بعد ما اشتراها

بأسبوع تخيلوا قال لك انا ما
شريت الغرفة الا بس أقلد أخواتي
اقول لكم شكاك واني أنا احمله
فوق طاقته هو عنده خير انا
ما اقول انه فقير فالمهم على
هذه المشاكل مرت يمكن 20 سنة
من عمري حياة كلها ******* وقهر
وذل الزيارة ممنوع الهدايا ممنوعة الدراسة

ممنوعة الصديقات ممنوعة كل شيء كنت
ابغاه كان يشك فيه يمنعه انا
ما اقدر اتطلق واترك بناتي معاه
وأهله جداً قاسين بيظلمونهم وأهلي اذا
اطلقت بيردون لبناته المهم اذا جاء
اسبوع حق الهدوء حقه كذا يجي
هادي يقول والله انك عزيزة علي
وغالية واحبك واحترمك وانت عاقلة ولا

بلاقي زيك فتعبت كثير من ذي
المشاكل جاني الاكتئاب ولا اهتم بشيء
ولا افرح بشيء جاني تشتت ذهني
نسيان اكرر السؤال على الوحدة مليون
مرة في نفس الجلسة يجيني اضطراب
في النوم ما انام إلا ساعتين
اصحى اصير اتقلب في الفراش لين
الصباح بسببه جاني قولون عصبي انا

ما اعرفت انه مريض بالشك لان
أهلي دائماً كنت لما اروح عندهم
كانوا يلبسوني الخطأ وأخواتي الله يهديهم
كانوا دائماً يقولون لي كل الرجال
كذا والمراة لازم تصبر وتتحمل عشان
ما ينخرب بيتها يحسسوني انهم مختلفات
عني لذلك يعني حياتهم خالية من
المشاكل وان الغلط من عندي انا

وغيرها من النصائح وانك تهتمين بها
وتتزين يا لين له مع اني
والله ماني مقصرة في ذا الجانب
وغيرها المهم انه دائماً ما ادري
ليش يبررون كل تصرف منه اما
أبوي صار من كثرة المشاكل يكرهني
لمن أزورهم حتى ما يحترمني زي
باقي أخواتي بناتي بس يصايح عليهم

يضـ'ـربهم وأنا بس تخيلوا أجيهم زيارة
أي موقف يسوي لي إياه وتجي
مني ردة فعل يزعلون مني كلهم
يقولون ما يكرهك زوجك الا لان
صدرك ضيق اخلاقك قاف فله وهم
عادوا اذا غلطوا وزعلوا ولا سووا
ما سووا بس انا محرم علي
كذا فانا اختلط عندي صراحة الصح

من الغلط هل انا غلطانة صدق
ولا زوجي الغلطان بتصرفاته الى جا
يوم من الأيام وقعدت ابحث كذا
في الانترنت سمعت عن مرض الشك
في اليوتيوب فتعمقت في هذا الموضوع
وفي التحليل بعدين قلت والله العظيم
صدق ترى زوجي مريض بالشك لمن
شفت الاعراض وكذا وكلها تأكد كانت

زوجي عنده هذا المرض فعلاً فانتظرت
انه تصير مشكلة كبيرة وبعدين اروح
اطلب منه انه اتعالج كنت شايلة
همه لي أكثر من همي له
سبحان الله عدى الأيام سنة كذا
صارت مشكلة كبيرة وواضحة للكل انها
شك ومرض الا أهلي طبعاً ما
وضح لهم انه مرض قال ابوي

الله اعلم من اللي مريض منكم
فانا قلت يومها لو تنطبق السماء
على الارض انا خلاص ما عاد
ارجع له الا لمن يعرض نفسه
على طبيب نفسي فمع اصراري وتمسكي
بالقرار فعلاً رحنا المستشفى راح معنا
أبوي قال الدكتور مين المريض؟ قال
لابوي الاثنين يبغى لهم علاج فانا

بصراحة تكلمت للدكتور بتصرفات زوجي وتكلمت
برضه بتصرفاتي الدكتور طبعاً سالنا عدة
اسئلة قال له انت عندك مرض
فعلاً اسمه الشك وغيره مرضيه صرف
له علاج والله العظيم يا جماعة
من يوم تعالج تغيرت حياتنا اختفت
المشاكل نهائياً يا رب لك الحمد
الآن له خمس سنين من تعالج

يتخللها رفض يعني في بعض الأيام
لمن يبطل يشرب العلاج وبعد تهـ'ـديد
انه انا والله خلاص ما اتحملك
يا تشرب علاجك صدق تمشي عليه
ولا خلاص يعني ننفصل فهذه رسالة
لكل امرأة تعيش مع زوج شكاك
طبعاً مو كل شك غيره ولا
كل غيره حب اذا كان يشك

زوجك بدون سبب ويتهمك ويمنعك ويعزلك
ويقلب الناس عليك ويهدد استقرارك وسمعتك
فجأة يعتذر وكان شيئاً لم يكن
ترى هذا واحد مريض ولازم يتعالج
الشك المرضي مو طبع ولا رجولة
ولا قوة شخصية هذا اضطراب نفسي
معروف وله علاج زي ما تعالج
زوجي فلا تسمحين لاحد انه يلبسلك

الذنب ويقنعك ان انت السبب يقولون
لك كل الرجال كذا لا والله
مو كل الرجال كذا ولا الصبر
على المرض بدون علاج بطوله فمعليش
لو انه يحبك صدق يرضى يتعالج
ويعترف بالمشكلة ويحميك من أذاه وحتى
من انه يأذي نفسه وبيته وأهله
اذا رفض العلاج فانت ما انت

ملزومة تدفعين عمرك وصحتك ثمن انك
زوجة صابرة ترى كثرة الشك تكسر
النفس تمرض الجسد تضيع الثقة تدمر
الأطفال قبل ما تدمرك انت يا
الزوجة فالعلاج مو بعيب والسكوت هو
العيب لا تنتظرين تنهارين ولا تنتظرين
فضـ'ـيحة ولا تنتظرين ******* المريض يعالج
والمظلومه تنقذ نفسها ونصيحة للأهالي

اذا جتكم بنتكم تشتكي وقفوا معها
اسمعوها صدقوا وجعها مو كل مشكلة
زوجية الغلط فيها من البنت ومو
كل صمت يعني رضا ومو كل
صبر يعني ان الأمور تمام ترى
في أزواج يمرضون شك يسيئون نفسياً
يكسرون البنت بهدوء قدام الناس أول
خذلان تعيش البنت انها لا يشكون

فيها حتى قبل ما يسمعونها ولا
تقولون لها تحملي وكل الرجال كذا
اكيد فيك شيء لا تكبرين الموضوع
يا بنت الحلال هذه الكلمات تقتل
الثقة تزيد من قهرها تخلي البنت
تحس انها لحالها فكونوا سند مو
قاضي كونوا أمان مو ضغط ظهر
مو بسكين البنت اذا جت اشتكت

لكم ترى مو جايه تدور خراب
، جاية تدور  نجاة ،
واللي بيحافظ على بيته ، يحمي
بنته قبل لايضيعها ، وانتهت الفصة
٠