تقول صاحبة القصة  : أنا
اليوم جايه أعلمكم على قصة بنت
خالي قسماً بالله يا جماعة الخير
تقهر قهر مو طبيعي أنا أقول
إنه البنت مسحـ'ـورة أو مريضة أو
فيها بلا لأن مو طبيعي يصير
كل هالشيء وتقعد ساكته وتكمل زواجها
سلمكم الله خالي الله يرحمه توفي

في يوم ولادة بنته الصغيرة هو
عنده ولد كبير هالولد متزوج وبنتين
البنت الكبيرة مطلقة وما عندها عيال
واللي بتكلم لكم عنها اليوم هي
البنت الصغيرة عمرها حالياً 20 سنة
هي دلوعه البيت وكلمتها ما تصير
ثنتين وأمها مرة مدلعتها بعكس ولدها
الكبير وبنتها يعني ما ترضى أحد

يكلم البنت هذه ومع الأسف ربتها
كذا إنه طلباتها أوامر وأي شيء
تطلبه يتنفذ حتى لو كل الناس
عارفين إنه هالشيء غلط بس تغريد
تبيه خلاص يتنفذ بنت خالي هذه
ممشيه البيت بكيفها اللي هي تبيه
يصير واللي ما تبيه خلاص ما
يسوونه حتى لو هم يبون المهم

هذه البنت ضاغطة أختها الكبيرة بشكل
يعني متخيلين تتشمت فيها إنها تطلقت
بعد زواجها بثلاثة شهور  ،
تقول لها كذا أنت ما أحد
يتحملك أنت حتى العريس هرب منك
بعد ثلاث شهور  ، وهي
المسكينة بنت خالي الكبيرة تطلقت لأن
زوجها ما يبيها يبي ورثها من

أبوها !  متخيلين إنه الحقير
بس خطبها وتزوجها عشان ياخذ ورثها
وهي لما رفضت تعطيه فلوس قام
قال لها يعني أنت تتوقعين أنا
أناظر لوجهك ترى أنا تزوجتك عشان
فلوسك وورثك ولا أنا أحب بنت
عمي وابيها ، الله ياخذ الحيوان
كسر ثقتها بنفسها قال لها أنت

مو حلوة وما حد يطل بوجهك
ترى المهم هي تطلقت منه ورجعت
بيت أهلها وأختها استلمتها تشمت فيها
على الطلعة والنزلة ،  وتقول
لها : أنت ما حد يتحملك
وأنت مالك كلمة في البيت وأنت
ما خلت لها ولا شيء عشان
كذا أختها انعزلت عن أمها وأختها

صارت ما تتدخل فيهم ، 
وأخوهم في بيته ويمر عليهم يشوف
احتياجاتهم ويطلع ما يجلس معهم بسبب
الأخت الصغيرة ما هي معتبرته ولي
أمرها وأخوها الكبير   لا
تحترموا ولا تقدروا عشان كذا هو
ما له شغل فيهم المهم أمهم
عندها أخو هو دائماً في بيتها

24 ساعة مسنتر عندها هو وعياله
، وهي مبسوطة بأخوها إنه مهتم
فيها وكذا والخال مخطط يزوج عياله
للبنتين بحجة إنهم بنات أختي والقريب
أولى من البعيد طبعاً كلنا عارفين
إنه بسبب فلوسهم ، وفعلاً الخال
خطب البنتين بس البنت الكبيرة رفضت
قالت ما أريد أتزوج والله يا

خالي أعذرني ولدك رجال وكل البنات
يتمنونه بس أنا ما أقدر أتزوج
وأخلي أختي سلفتي ، معلش أنا
يلا يلا متحملتها في بيت أنا
ما أقدر أتحملها عند حمولتي وقتها
انهارت البنت الصغيرة ، حقدوا عليها
هي وامها وما أظلم الخال ما
أعرف هل هو حقـ'ـد ولا لا

المهم ما لكم رفضت البنت والصغيرة
وافقت بس وقتها هي كانت تدرس
في الثانوي وأعمامها رفضوا قالوا خلوها
تتخرج من الثانوي وبعدها تنخطب 
،  المهم البنت هذه اسمها
تغريد زي ما قلت لكم من
كثر ما خالها يجي عندهم للبيت
صارت هي تحب ولد خالها والولد

يحبها أو يحب فلوسها ما أدري
، المهم صاروا يتقابلون في بيتهم
وأحياناً هي تخرج مع إخوته الصغار
وهو يوصلهم ومره حبته حب مرضي
تعلقت فيه مرة وكم مره أخوها
قفطها وجابها عند أمها وقال لها
أنا ما أريد أمد يدي عليها
بس أمسكی بنتك لا تخليني أكلم

أعمامي ،  بس البنت خلاص
هي تربت على قلة الأدب وقلة
الحياة ما تسمع كلام أحد وتطلع
معه الكافيهات وما هي شايفة أحد
، وأخوها آخر مرة مسكها في
مول مع ولد خالها صفقها ،
 وجلـ'ـدها وتهاوش مع ولد خالها
وضربـ'ـه وصارت عندهم مشكلة كبيرة أخذ

أخته ورماها عند أمها قال والله
لو شفتها معاه مرة ثانية أحرمها
من المدرسة وأحبسها في البيت هنا
أمها وقفت بوجهه أنت ما لك
دخل في بنتي وهي تعتبر مخطوبة
للولد قال لها مين مين وافق
على خطوبتها أنت سمعتيني أنا وافقت
ولا أعمامي وافقوا أعمامي قالوا ما

في خطوبة قبل ما تتخرج وأنا
قلت اللي عندي والله لاذبحها قامت
الأم طردته من البيت صدمة صح
أي والله تخيلوا طردته قدام بنتها
قهرته والله المهم الولد راح علم
ع أمه وقال لهم وافقوا على
الخطوبة الله يرضى عليكم ما نبي
فضائـ'ـح وفعلاً وافقوا وتمت خطوبتهم وقتها

الأم شرطت عليهم خطوبة مع ملكة
عشان تفتك من شر ولدها ما
يسبب مشاكل وكذا وتمت الملكة وقالوا
انتظروا تتخرج وسووا الزواج المهم البنت
حرفياً نو كرامة لأن أهل الولد
ما يبونا تخيلوا بس الأب والولد
يبونا أما الأم والبنات كذا 
لا ما يبون تخيلوا حتى الملكة

ما جاوا لا الأم ولا الأخوات
الكبار عادي سووا الملكة بس هي
وأختها وأخوات زوجها الصغار هم اثنتين
وصارت عادي تطلع معاه وتجي بموافقة
الأم في هالفترة يعني بعد الخطوبة
توفي خالها اللي هو أبو زوجها
مر كم شهر وهي تخرجت من
الثانوي طبعاً بدأت تبان طباع زوجها

الخائسة وأسلوبي تغير معها صار مره
سيء تخيلوا لسه ما تزوجها ويقعد
يهينها ويسبـ'ـها وتوصل لدرجة يمد يده
عليها بس هي ما تعلم لا
لأخوها ولا أعمامها قسم بالله تقهر
تقهر تخيلوا طلقها قبل حتى لا
تتزوج وبعدها جا رجعها بدون ما
حد يدري كل الأشياء ساكتين عنها

وهي وأمها عشان ما يبون ينكسرون
قدام أعمامها وأخوها المهم أخيراً العريس
حدد الزواج حجزوا كل شيء ويوم
الزواج حكاية ثانية تخيلوا العريس طبعاً
مشغول وقرب وقت الزفة فجأة طفت
السماعات قال المشرف حق القاعة ما
كملتوا فلوس إيجار القاعة ما راح
نشغل السماعات يا تدفعونها أو لا

ما راح نشغل لا سماعات ولا
راح نفتح العشاء العروس انهارت في
غرفتها أم العريس رافضة تدفع تقول
ما راح أدفع مو هي أخذت
ولدي مني أنا ما أريد بنتها
بس هي فارضة نفسها علينا تخيلوا
كذا قدامنا قدام الكل هذا كلامها
صارت فضيحـ'ـة وآخر شيء أم البنت

من القهر كملت الفلوس وشغلوا الزفة
تخيلوا أختي راحت للعروس قالت لها
أنت إيش اللي حادك على الشقاء
ردت عليها قالت لها هو ولد
خالي من دمي ولحمي أنت إيش
دخلك تخيلوا قالت لها كذا والله
قلت لها تستاهلين عشان ما تتلقفين
مره ثانية المهم بعد الزواج راحت

بيتها تخيلوا أثاث بيتها رخيص أصلاً
حاطين أثاث غرفتين ومطبخ وصالة وكلها
أشياء رخيصة شوفوا لو هم ما
عندهم فلوس وناس على قد حالهم
ما أتكلم ما راح أقول إنه
أثاث رخيص وأشياء رخيصة لأنه الناس
قدرات راح أقول الناس قدرات وهم
هذا اللي يقدرون عليه بس يا

جماعة الخير والله هم مرتاحين ويقدرون
يفرشون أساس حلو والصدمة مواعين المطبخ
واكسسوارات البيت كلها من محلات أبو
خمسة يعني واضح ترى احنا ما
نبيك واضح ما هم مقدرين ولا
هم محترمين ولاقوا فوقها يضربهـ'ـا ويعنفـ'ـها
ويسبـ'ـها ويقول لها أنا أخذتك عشان
أبوي أبوي ولو أبوي ما وصاني

عليك كان ما تزوجتك والله بنت
خالي هذه هي عديمة الكرامة تحبه
وتموت فيه نسأل الله العافية ما
أقدر أقول شيء ثاني المهم في
مره ضربـ'ـها ضـ'ـرب  وتم إدخالها
في المستشفى وقتها أخوها سمع وعيال
عمها كلهم راحوا له وجلـ'ـدوه وصفقـ'ـوه
خلوه هو يتنوم عند أمه في

البيت أسبوعين ما خرج برا وقالوا
له لا عاد نشوفك تمد يدك
عليها إذا ما تبغاها طلقها يا
أخي إذا ما طلقتها وخليتها عندك
في بيتك لا نشوفك تمد يدك
عليها وفعلاً هذه المرة الأخيرة اللي
ضربـ'ـها فيها وبنت خالي عديمة الكرامة
حملت منه وجابت ولد ومعاملته لها

صار أسوأ من قبل صح ما
عاد يضربها بس والله يسبـ'ـها ويشتـ'ـمها
على الطلعة والنزلة لا هو يحترمها
ولا أهله يحترمونها وفوقها يقعد يخونها
خيانات علنية كذا بالجوال قدامها يقعد
قدامها ويكلم فلانة وعلانه المهم وهو
حارمها ترى تخيلوا حابسها في البيت
يا تروح لأهله يا تجي لأمها

يعني أهلها أما أنها تطلع كافيهات
تروح وهذا كله لا وهي ساكته
والله لو في بيت أهلها أخوها
قال لها لا تروحي للكافيه كانت
قومت الدنيا وما قعدت إيش نسوي
ما أدري أنا قايلت لكم ما
هي بصاحية البنت المهم الحين قبل
أسبوعين طلقها أي والله طلقها رجع

تغريد لبيت أهلها من نهاره تتوقعوا
ليش طلقها؟ طلقها لأنها ما أعطته
فلوس اللي اكتشفناه إنه هي من
أول كانت تصرف عليه من أيام
الخطوبة تخيلوا هي شرت له سيارة
وكل السفريات اللي يسافرونها على حسابها
والمصيبة هي كانت تدفع إيجار البيت
والمصاريف وما كانت تعلم أهلها المهم

أي شيء أي مناسبة كانت عند
أهل زوجها هي تروح هي تدفع
حفلات هدايا وكل هذا ترى ما
يملى عينه المهم خلصت فلوسها لما
جاء آخر شيء يطلبها 5000 يبي
يشتري لأخته هدية تخرجها هي قالت
ما عندي قام طلقها تخيلوا طلقها
قال ما عاد بيك خلصت فلوسك

ما عاد بيك سبحان الله أنا
ما أتشمت بس هي صار لها
نفس اللي صار لأختها بس أختها
ذكية ما أعطته ولا ريال والهبلـ'ـة
تغريد كانت تصرف عليه وعلى أهله
من أيام الخطوبة وفوقها الحين هي
منهارة تبي طريقة تخليه يرجعها وإذا
أنتم تبون تعرفون أنا كيف عرفت

كل هالتفاصيل أنا عرفت كلها هالتفاصيل
من أختها لأنها صديقتي جت تسألني
شنو شنو تسوي عشان أختها تعقل
وتتعالج لأنه واضح إنها مريضـ'ـة الرأي
الشخصي بنات والله قهرتني قهرتني ودي
أني أصفقـ'ـها بس في نفس الوقت
كذا حزنت عليها لأنه التعلق ذا
مرض يعني الله يشفيها ويعافيها ولا

كيف واحدة ترجع لواحد يهينها ويصفقها
ويضربـ'ـها ويسبـ'ـها وياخذ فلوسها معلش هذا
مو رجال والله مو رجال والصدق
بنت خالي تحتاج تدخل أحد يعني
أحد كبير يا أعمامها أو أحد
صاحي مو أمها لأن أمها ما
هي صاحيه المهم هي تحتاج أحد
صاحي يجي ياخذها يوديها لمعالجة نفسية

يعالجونها لأنها تحتاج حرفياً يعني ما
في واحدة تصبر على كل هالأشياء
ولي فوقها تصرف عليه مخلصة فلوسها
عليه عاد ليته يستاهل يعني معلش
معلش أنا ما شفت وجهه بس
واضح إنه شين يعني شين خلقياً
واستغفر الله يعني ما أنا ما
حتكلم عن خلقه ربنا أوكي هذه

خلقه ربنا بس أنا أقصد شين
يعني شين بأخلاقه سبحان الله شوفوا
الرجال أو البنت أو أي أحد
عموماً مهما كان ملك جمال إذا
أخلاقه شينة وسيئة ترى يكون شين
الله يشفيها يا رب والله يبعده
عنها  ونصيحتي أنا أقولها 
شغلي في البيت سورة البقرة يعني

أقل شيء أقل شيء أختك نايمة
ما أدري إذا هي ما إذا
ما تزعل ما تاذيك اقري عليها
اقري عليها واستغفري كثير صلي على
النبي بأعداد مره كبيرة أنا دائماً
أشوف القصص إنه الصلاة على النبي
بأعداد كبيرة ترى تفرج همك ف
صلي على النبي هذه نصيحتي وبس

والله انتهت قصة قصتنا لليوم.