السلام عليكم أنا مساعد الشراري، وكل
يوم راح أنزل لكم قصة منقولة
من متابعيني لكن لا تنسون تصلون
على النبي وتتابعون حسابي وتشاركون القصة
مع أصحابكم ونبدأ قصتنا لليوم؛ تقول
صاحبة القصة يا هلا والله. أنا
واحدة متزوجة عندي أطفال الحمد لله
والحياة مد وجذر مشاكل لابد منها

يعني الحياة الزوجية لابد أن تتخللها
كثير من المشاكل. أنا عندي ثلاث
أولاد الثالث الحمد لله ولد وجاء
طبيعي ولد تبارك الرحمن مع أنه
عمره صغير بس هذا الولد كنت
متعلقة فيه موت أحس روحي فيه
لدرجة أني ما كنت أنام بالغرفة
مع زوجي من كثر ما أنا

متعلقة فيه كنت أنام معاه في
غرفته هو ما خليته يدرس روضة
وتمهيدي المرحلة اللي ما قبل الابتدائي.
الولد ما شاء الله تبارك الرحمن
في أشياء مميزة سبحان الله مع
أنه كان طفل بس إنه ما
كان ******* ما كان في شقاوة
الأطفال هذه أو إنه مزعج أو

إنه يعني يسبب مشاكل في البيت
وكذا كان ملاك يجنن وأنا ما
عندي مخاوف منهم ولدي هذا كان
يساعدني مع إنه صغير بس يساعدني
يا عمري يجيب يشيل يحط يقرب
لي الأشياء يعني شغل البيت ينظف
مسوي جو للبيت رهيب. أحياناً يشوفني
أغسل الملابس يجي يقول لي يا

ماما ابنشر معك بساعدك، أمسح الأرضية
يجي يقول يا ماما أعطيني المساحة
أنا أمسح عنك يعني مو بس
لأني أنا أم أقول ذا الكلام
لا والله حتى الناس كل اللي
شافوه يثنون عليه هادي جداً لسانه
ما شاء الله لا قوة إلا
بالله طلق متعلق بالصلاة عن عمره

لا يتجاوز الست سنوات لدرجة والله
العظيم يا جماعة أني كنت أتعذر
من المناسبات ما أروح أجلس معاه
بالبيت أخاف عليه أخاف عليه من
الأماكن العامة. المهم يعني سبحان الله
تمر فيني الأيام وصلت لمرحلة الدراسة
قلت لازم يدخل مدرسة إنه مو
معقول يعني بيقعد في البيت عندي

لمتى وأنا كذا متعلقة فيه ما
أبغاه يتركني ولا ثانية إنه ست
سنوات أكيد لازم يدخل المدرسة. خلاص
المهم دخلت المدرسة رفضوه بالبداية لأن
ما كنا من ضمن سكان الحي
جبنا واسطات قبلوه بمدرسة ثانية درس
كان عنده ضعف بالأحرف غير زملائه
لأنه ما كان يدرس. جبت له

مدرس وقت ما كان يدرس كنت
أشوف أحلام غريبة سبحان الله كنت
أحلم في أحلام غريبة عجيبة كنت
أشوفه كذا يطيح من فوق تجي
السيارة تدعسه الحلم يتكرر علي يتكرر.
فقلت لازم أفَسِّر هذا الحلم لأنه
يتكرر علي باستمرار مو معقول. فرحت
سألت مفسر قال لي يا بنت

الحلال اضغاث أحلام ولا تأخذين على
بالك وتعوذي منه يمكن بسبب التوتر
والقلق على الولد أنت من كثر
ما أنت قلقة عليه فهذا العقل
الباطني يفسرها كذا. المهم سبحان الله
تمر الأيام طبعاً هذا الولد متعلق
فيني مرّة في أبوه جا يوم
من الأيام كان أبوه يبغى يروح

استراحة متعود أبوه كل سبت يروح
استراحة فهو دائماً كان يروح مع
أبوه ومسلم الأمر لله يعني واثقة
في أبوه يعني أبوه إيش أقول
أكثر من كذا إنه بالنهاية ولد
لابد أنه يطلع ويروح ويجي مع
أبوه صعب يقعد معاي 24 ساعة
في البيت والله لو إنه بنت

أقول ممكن عادي البنت تقعد مع
أمها في البيت وكذا في النهاية
هي بنت لكن هذا ولد لابد
بد أن يطلع يختلط بالناس يشوف
رجال يتعلم الرجولة يشوف يعني مجتمع
الرجال كيف. فسبحان الله هذاك اليوم
أنا كنت نايمة كنت تعبانه مرّة
دخل علي بالغرفة قال يا ماما

بروح مع بابا تبين شيء؟ قلت
له لا. قال لي خلاص طيب
تغطي يا عمري. راح جاب لي
لحاف وغطاني قال لي مع السلامة
قلت مع السلامة يا حياتي انتبه
لنفسك طلع مع أبوه كان عنده
يوم الأحد اختبار فتواصلت مع أبوه
إنه تكفى لا يتأخر وانتبه له

يعني حرصت عليه زي كل أم
إنه خلاص بكرة عنده اختبار لا
تتأخر ولازم يرجع المغرب عشان ينام
وبعدين كذا يقوم يراجع. المهم راح
قمت أرتب أنا في البيت أنظف
عشان أشغل نفسي شوي. تواصلت مع
أبوه قبل المغرب ها فين الولد
قال لك إيش رأيك تروحين لأهلك؟

قلت ليش عسى ما شر؟ قال
روحي روحي لأهلك. قلت ليه طيب
قل لي ليه؟ قال روحي روحي
أنا بتأخر أقول لك روحي لأهلك.
طيب فين ولدي؟ قال لا تقلقين
معاي الولد بس اسمعي أنا ما
أقدر أجيك روحي أنت لأهلك ودقي
على السواق حق أهلك خليه يجي

ياخذك أنت والعيال. أنا طبعاً أبوي
وقتها كان تعبان شوي كنت معقول
يمكن أبوي في شيء ما حب
يوصل لي، فالأفضل أني فعلاً أروح.
والله رحت وصلت بيت أهلي لقيت
الوضع متكركب، أخوي وأبوي كانوا لابسين
ثياب وقعدت بالصالة أخوي هذا كان
إمام مسجد. المهم لما قعدت قلت

له أيش في؟ قال لي وين
ولدك؟ قلت مع أبوه. أخوي يعرفني
يعني عندي صبر لابعد حدود الحمد
لله يعرف قديش أنا صابرة ويعرف
قديش مريت بمشاكل صعبة وصبرت عليها
ومتوكلة على الله وتخطيتها الحمد لله.
فقال لي يا أختي أولادنا أمانة
عندنا. قلت نعم أيش في؟ قال

لي ولدك صار عليه حادث وتوفى
رحمه الله عليه. انفجعت كيف؟ قال
الاستراحة نفسها فيها زي الخزان حق
الموية بس كان مهمل ما كان
مغطى زين فطاح ولدي فيه وغرق.
أبوه يحسبه إنه راح يلعب مستأمن
عليه ولا انتبه لهذا الشيء يعني
ما في شيء يخوف ولا انتبهوا

لهذه سبحان الله الحفرة دي حتى
بعدين يوم اختفى الولد وفقد أبوه
راح دور عليه دور ف يعني
ما لقاه فشافوا الخزان حق الغطا
طايح فعرفوا أن الولد خلاص غرق.
والله العظيم وصلني الرسالة قسماً بالله
نزلت علي كالصاعقة سبحان الله يعني
أنا صابرة وعندي قوة صبر وتحمل

يعني أنا كمية التعلق هذه بالولد
مو طبيعية متعلقة فيه أن كل
أم تتعلق بأولادها لكن أنا أقول
لكم روحي فيه متعلقة فيه تعلق
طاغي جداً ما أقدر أحس أني
ما أقدر بدونه. أقسم بالله أني
ما سخطت ولا تجزعت يعني صح
إنه لابد من ضيقة الصدر والحزن.

المهم قال لي تعالي شوفي غسليه.
قلت له والله ما أبغى أشوفه
ولا أغسله، أنا خلاص مسلمة أمري
لله. طبعاً جلست عند أهلي شهر
ثالث يوم من العزاء سجدت لله
قلت يا رب يا رب إنك
تعلم أني صابرة ولا تجزعت ولا
سخطت ولا لطمت، يا رب إنك

تربط على قلبي وتعوضني عوضني العوض
الجميل. قلت يا رب أنا ما
أبغى شيء أبغى بس ولد يشبه
أخوه ما أبغى شيء ولد بس
يشبهه يعني حتى أهلي قالوا لي
ما شاء الله على قوة الصبر،
حتى أمي تقول الله يجزاك خير
ما تعبتينا يعني صابرة الحمد لله.

للعلم إن الحمل أنا عندي صعب
جداً ما أحمل إلا بمنشطات، علاجات.
فجلست والله شهر وارجع لبيتي حتى
أغراضي لسه كانت موجودة وشنطة المدرسة
ما حد وقف معي لحظتها إلا
رب العالمين لكن وقت نزول البلاء
سجدت ودعيت الله بالعوض، دعيت دعيت
دعيت من قلبي. بعد ما مر

شهر رجعت بيتي وكان فيني ضيقة
صدر فطلبت من زوجي قلت له
تكفى يا فلان ودني مكة ودني
مكة ودني المدينة بصلي بدعي الله
عند الملتزم. صليت دعيت يا رب
وقت البلاء صبرت واحتسبت، الصعب شيء
على الأم فقدان ولدها تفقد ضناها
جمره في القلب لا يطفئها النسيان

أبداً لكن الحمد لله أنا صابرة.
أعرف بعض الأمهات والله العظيم إنها
تفقد عقلها يعني لما تفقد واحد
من أولادها تفقد عقلها خلاص تنجن.
أنا والله العظيم يا جماعة اللي
جمعت أغراضه من الدولاب وكنت مجهزة
له ملابس وملابس الصيف وكان طالب
مني ثوب العيد وقتها كنا بشعبان

قال يا ماما هذا ثوب العيد.
طيب يا ماما إيش الكيكة اللي
بتجيبينها لي إذا نجحت لأن باقي
بس على النجاح والتخرج أسبوع، كل
ذي الأشياءكنت مجهزتها، لا ما عدا
الكيكة، شريت له كل شيء يحتاجه
للعيد وأنا اللي بنفسي قمت شلته
من الدولاب. أنا طلعت كل شيء

يخصه كتبه، شنطته، ملابسه، ألعابه. سبحان
من أنزل علي الصبر وقتها ربي
نزل علي صبر ف الحمد لله
تبرعت بملابسه، تبرعت بألعابه، بأشيائه. فسبحان
الله، عوض الله جميل الإنسان إذا
قابل ابتلاءات الدنيا بالصبر والاحتساب. أيا
كانت المصيبة سواء ابتلاء بالزوج، ابتلاء
بالأولاد، ابتلاء بالحياة، بالوظيفة، بالأهل. سبحان

الله أنا الله ما كتب لي
الحمل. والله العظيم إن بعد شهر
من وفاة ولدي بديت أحس بتعب،
إغماء، عوارض حمل بدأت فيني. رحت
حللت قالوا لي حامل بدون أي
جهد مني يعني أنا بالعاده أقول
لكم اجهد ، اتعب، أروح أخذ
منشطات عشان أحمل. حملت تم الحمل،

جبت ولد أقسم بالله نسخة طبق
الأصل من أخوه نفسه، أخوه نفس
التصرفات. والله أنا عندي صورة لأخوه
بعمره الحين نفس الشكل. الحين عمر
ولدي هذا سبع سنوات. قسماً بالله
حتى الناس لما يشوفونه يقولون يا
الله كان نشوف فلان نفس الطبع،
التصرفات، الفصاحة. يقولون لي فلان يشبهه.

يا الله كل ذا بسبب الشيء
اللي سويت إن أنا احتسبت وصبرت
وطلبت من الله سبحانه وتعالى إنه
يربط على قلبي وانه يعوضني. قلت
يا رب أخذت مني فلان. يا
رب إنك تبدلني بخير منه. أنا
ما أعرف ربي ليش أخذ الولد
كذا. إن في حكمة في الموضوع،

الله سبحانه وتعالى أعلم. الإنسان مبتلى
والحمد لله ولدي الآن أنا عمره
سبع سنوات، يدرس ما شاء الله
متفوق في دراسته، الحين متخرج للصف
الثاني، نفس طباع أخوه. فالحمد لله
استجاب ربي الدعاء وعظم البلاء من
عظم الجزاء. الصبر عند المصيبة الأولى.
الله ما أخذ ولدي وخلاص انتهى

الموضوع. لا الحمد لله في بيت
الحمد الولد شفيع بإذن الله ولدي
شهيد والغريق شهيد. كل الأشياء أشياء
الحمد لله صبرت نفسي فيها، كلنا
ماشيين في النهاية بذي الدنيا والحياة
ابتلاءات، وكلنا نفقد اللي فقد ولده
أمه، أبوه، أخوه عزيز عليه. بس
الإنسان لازم يصبر. فكل اللي يمرون

بمصائب اصبروا العوض جميل إذا مو
بالدنيا العوض إن شاء الله بالأخرة.
فهنيئاً لكل من صبر وكل من
احتسب وكل من رضي. فالصبر هو
أنك توقف ثابت وقت ما الكل
يطيح، والرضا هو أن قلبك يسلم
لله سبحانه وتعالى حتى لو ما
فهم الحكمة إيش هي. الصبر قوة

والرضا قمة هذه القوة مو كل
أحد يقدر ترى يصبر، لكن اللي
يرضى، اللي يرضى هذا وصل لمرتبة
عالية ما يوصل لها إلا قلب
عرف ربه زين. فالرضا يعني مو
أنك ما تتألم ولا يعني أنك
ما تتمنى اللي راح يرجع. الرضا
أنك تقول يا رب أنت أخذت

وأعطيت ومنعت وأنا راضي لأنك أنت
يا رب أعلم وأرحم. وكل ما
زاد البلاء كان العوض أعظم. وكل
ما كان الصبر عند الصدمة الأولى
كان الأجر أكبر لأن الله سبحانه
وتعالى يشوف دمعتك، يسمع وجعك، يعرف
اللي أنت ما تقدر تقوله، يرسل
لك من رحمته شيء ينسيك كل

اللي مر عليك. الموقن بربه ما
يخاف من الفقد ولا ينهزم قدام
المصائب لأنه يعرف أن رب العالمين
ما يكسر قلب ******* إلا هو
بيرفعه أعلى وأعلى ويجبره أكثر مما
هو. فاصبروا العوض جاي يمكن أقرب
حتى من اللي تتوقع. وعوض الله
إذا جاء يجي جميل وكامل يخليك

كذا تقول من قلبك الحمد لله
ربي ما كتب إلا خير. الله
يا رب يكتب لنا ويكتب لكم
كل ما فيه خير. إلى هنا
انتهت قصتنا لليوم، أتمنى أني أشوفكم
في قصة جديدة، أنا وأنتم بخير
دائماً إن شاء الله. إلى ذلك
الوقت استودعكم الله.