السلام عليكم أنا مساعد الشراري ،
وكل يوم راح انزل لكم قصة
منقولة من متابعيني لكن لا تنسون
تصلون على النبي وتتابعون حسابي وتشاركون
القصة مع أصحابكم ونبدأ قصتنا لليوم
؛ تقول صحبه القصه انا عشت
في عيله مترابطه كان عندي اخوي
اللي اكبر مني بشوي وبنت عمي

اللي كانت دائما موجوده حولنا بنت
عمي هذه قصتها قصه ، 
عمي لما كان شاب سافر يدرس
برا ابتعاث هناك تعرف على زوجته
الروسيه اسلمت وتزوجوا وجابوا بنات وعيال
جماله وما شاء الله تبارك الله
يخطف الانظار ،  بنت عمي
كانت نسخه من امه بياض وشقار

وعيون ملونه ومن يوم كنا صغار
كان في حب خفي بينها وبين
اخوي ، كنا لما نلعب اي
لعبه اطفال كانت هي تختار اخوي
دائما واخوي نفس الشيء كان يميزها
عن كل بنات العيله اتذكر لما
كان يروح البقاله ما ينسى يشتري
لها حلويات وشيبسات ويخبيها لها كانه

يبي يدلعها بطريقته الخاصه ، كبرنا
شوي وبدينا نتغطى عن العيال بس
بنت عمي كانت حريصه انها تزورنا
كثير تتعمد تجي بيتنا وتسولف معي
ومع امي بس عشان تلمح اخوي
او هو يلمحها من بعيد اخوي
كان متمسك فيها وكل ما كبر
زاد تعلقه كنا احنا البنات نلاحظ

هالشيء ونعرف من بينهم قصه حب
طاهره،  بدات من ايام الطفوله
وما كانت تدري انه هالجمال وهالحب
يكونون سبب في مشاكل ما لها
اول ولا اخر مع امي ،
امي الله يهديها هي بنت عم
ابوي يعني العيله كلها قرايب في
قرايب ، الغريب ان العيله كلها

متقبله زوجه عمي الروسيه وحابينها حتى
جدتي كانت تعاملها مثل بناتها ،
 الا امي ما ادري ايش
السبب الحقيقي هل هو غيره من
جمالها او لانها اجنبيه وعاداتها مختلفه
ما اعرف ؟  امي كانت
تكرهها كره مو طبيعي ومن قبل
ما يتزوج اخوي هي حاطه نقره

من نقره البنت وامها لما اخوي
وصل لسن الزواج وقف قدام امي
وقال لها يا يما انا ابي
بنت عمي ! هنا قامت الدنيا
وما قعدت امي صرخت في وجهه
وقالت تتزوج بنت الروسيه والله ما
تاخذنا هذه مو من ثوبنا ولا
نعرف اصلها ولا فصلها،  خذ

لك واحده من بنات خالاتك السنعات
اللي يعرفون عاداتنا وتقاليدنا ما راح
اخليك تاخذ بنت الروسيه بس اخوي
كان عنيد وراسه يابس قال له
هذه بنت عمي من دمي ولحمي
وانا اولى فيها من الغريب وظل
سنتين وهو يحاول يقنعها وهي رافضه
تماما ابوي كان في صف اخوي

يقول هالبنت ما يعيبها شيء وجمال
واخلاق وبنت اخوي بس امي حقدت
بزياده لانها حست انه الكل واقف
ضد رغبتها في تزويج اخوي من
بنات خالاتي زاد الحقـ،ـد  في
قلبها وصارت تشوف بنت عمي هي
العدو الاول لها ومع كل محاوله
من ابوي لتهدئه الامور كانت امي

تزيد اصرار وعناد اخوي ما ياس
كان يروح يجي ويحاول يطيب خاطرها
بس هي كانت حاطه في بالها
انها لازم تخرب هالخطبه وما تدري
انه النصيب اقوى من كل شيء
وانه الزواج هذا بيصير غصبا وبيكون
بدايه لسلسله من الاحداث الدراميه، 
بعد صراع استمر سنتين اخوي تزوج

بنت عمي غصبا عن امي ،
وامي كانت رافضه تحضر العرس بس
ابوي وقف لها وقفه واجبر امي
انها تحضر العرس وتبيض وجينا قدام
الناس ، العرس كان فخم بمعنى
الكلمه والكل كان يتكلم عن جمال
العروس اللي كانت ملكه جمال بياض
وشقار وطول ما شاء الله تبارك

الله ، امي وخالاتي كانوا جالسات
والضيق واضح على وجيههم بس ما
قدروا يتكلموا او يخربون العرس لان
ابوي كان مهددهم وواقف لهم بالمرصاد
وقال لامي اذا خربت العرس والله
لاطلقك !  انتهى العرس على
خير واخوي سكن في الشقه اللي
فوقنا في نفس البيت وهذا الشيء

اللي سهل على امي كيدها في
تطفيش البنت صارت امي كل يوم
تطلع لها تتدخل في الكبيره والصغيره
ليش ما نظفتي ليش ما طبختي
كده ليش ******* للحين وحتى لبسها
ما سلم من لسان امي بنت
امي كانت مسكينه نا ساكته وتتحمل
وتشتكي لاخوي بهدوء هو كان يصبرها

يقول له تحملي يا بنت الحلال
بكره تمل وتتركك في حالك ،
بس امي ما كانت ناويه تمل
كانت تبي تطلعها من البيت باي
طريقه والوضع كان مشحون بالتوتركلنا كنا
حاسين انه في عاصفه جايه في
الطريق بس ما كنا نتوقع انها
بتكون بهالقوه مرت ست شهور على

زواجهم في يوم قررت امي تسوي
حركتها الكبيره عزمت كل خالاتي وبناتهم
وحريم خوالي وبناتهم وما علمت زوجه
اخوي انه في عزيمه اصلا قبل
ما يوصلون الضيوف بساعه واحده كشخت
امي وطلعت فوق وقالت لها ببرود
ترى اخواتي وحريم اخواني جايين هنا
مع بناتهم والضيوف بالطريق قومي سنعي

عمرك البنت انصدمت طار عقلها انهبلت
،  الوقت ضيق والبيت يبي
له تجهيز كويس انها هي منظفه
البيت اساسا قامت بسرعه بخرت ولبست
اتصلت على اخوي يلحقها بحلا وعشى
جاهز من بره الضيوف وصلوا قبل
ما يوصل اخوي بالاغراض وزوجه اخوي
استقبلتهم احسن استقبال قدمت لهم عصير

وقهوه وقدمت لهم تمر المتاح عندها
يعني لسه اخوي ما جاب الحلا
هنا امي استغلت الفرصه قامت قدام
الكل وقالت بصوت عالي شفتوا الرفاله
بنت الروسيه مضيفتكم تمر ومويه شفتوا
البخل،؟  ما تعرف عاداتنا ولا
تقاليدنا لو ولدي ماخذ واحده من
بناتكم وتاشر على بنات خالاتي وخيلاني

كان شفنا الذرابه والنظافه وزادت عليها
وقالت ترا هي وما تنظف بيتها
الا اذا انا امرتها ! 
خالاتي صاروا يضحكون ويستهزئون واحده منهم
قالت الشكوى لله ولدك يستاهل اللي
جاه كانهم يصبون الزيت على النار
بنت عمي فيذيك اللحظه ماسكتت طفح
فيها الكيل من الاهانات اللي جتها

وهي في بيتها وقفت قدام خالاتي
وحريم خوالي وبكل قوه قالت لامي
اطلعوا برا بيتي لا اشوف ولا
واحده منكم هنا ،  ترى
انا ما عزمتكم ؟  اللي
عزمتكم هي عمتي واتفضلوا عندها تحت
تضيفكم ،   انا من
كرمي اطيب اصلي قدمت اللي عندي

بس انتم ناس ما تستاهلون يلا
برا ،  امي انصدمت من
جراتها وقامت بكل قهر صفقت زوجه
اخوي ******* قدام الكل بنت عمي
ما ردت الكف مسكت عمرها طلعت
جوالها واتصلت على ابوي وهي تبكي
قالت يا عمي تعال شوف مرتك
ش سوت صفقتني ******* قدام خواتها

وانا ساكته تقديرا لك ولدك واذا
ما جيت الحين اخذتها وضفيتهم والله
لاتصل على ابوي ،  ابوي
ما اخذ دقيقتين الا وهو فوق
دخل وشاف المجلس مشحون والكل ساكت
لما عرف السالفه طالع في امي
وهو يغلي من القهر والتفت لزوجه
اخوي وباس راسها وقال له العذر

والسموحه منك يا بنيتي حقك عليه
وطلب من امي انها تعتذر للبنت
قدام خالاتي عشان يرد لها اعتباره
بس امي كبريائها منعها وقالت بصوت
عالي تخسي  انت وتخسى بنت
الروسيه اعتذر منها هنا ابوي ماتحمل
وكلمه طالق طلعت من فمه قدام
الكل  ! اي والله طلقها

وقال لخالاتي خذوا اختكم معكم ما
عاد لها قعدة عندي في عز
هالمعمعه وصل اخوي محمد وهو شايل
الحلاوه والعشاء اللي طلبتهم زوجته ولقى
البيت مقلوب والناس طالعين وابوي واقف
انصعق لما عرف انه ابوي طلق
امي ،  والمصيبه انه لما
عرف التفاصيل ما زعل من زوجته

ولا حتى لامها بالعكس وقف في
صفها وصف ابوي كان هم اخوي
وابويا الوحيد في هذيك اللحظه ان
السالفه ما توصل لعمي ويزعل لانهم
يدرون انه عمي لو عرف انه
بنته انضـ،ـربت وانهانت في بيتها ما
راح يسكت والقطيعه بتصير بين الاخوان
بس امي ما بردت حرتها اول

ما وصلت بيت خالتي اتصلت على
جدي وعلمته السالفه كلها من وجهه
نظرها هي وقالت له انه البنت
هي اللي غلطت وقللت ادبها وانها
هي المظلومه طبعا عمي عرف بكل
شيء من جدي بس تدرون ش
سوى ما تكلم ولا عاتب ابوي
لانه عرف انه ابوي اخذ حق

بنته وطلق امي قدام الناس عمي
بس طلب من ابوي طلب واحد
بس قال رجع زوجتك لبيته بس
خلي الولد ينقل ويسكن في سكن
مستقل بعيد عنكم انا ما راح
اخلي بنتي ترجع تسكن مع زوجتك
في بيت واحد ابي السالفه تنتهي
هنا وفعلا اخوي ما صدق خبر

، اخذ زوجته اغراضهم ونقلوا البيت
بعيد هرب  من المشاكل ومن
لسان امي اللي ما يرحم، 
اخوي قام وراح لبيته الجديد الحين
ابوي ضايق صدره ومهموم من اللي
صار البيت صار هادي وفراغ امي
كان واضح ومؤثر علينا كلنا ابوي
كان ينتظر امي تهدى وترجع لكن

امي كانت في بيت خالتي ومشعلي
للدنيا كل ما احد كلمها قالت
والله ما ارجع والله ما ارجع
لهالبيت الا بشرط واحد انه ولدي
يطلق بنت الروسيه هذه ويرميها لاهلها
كانت تبي تنتقم لكرامتها  اللي
حست انها انهانت لما ابوي طلقها
قدام خواتها وحطت كل اللوم على

زوجه اخويا المسكينه اللي ما سوت
شيء ، الا انها دافعت عن
نفسها اخوي كان في قمه السعاده
في بيته الجديد يقول اخيرا اخذت
راحتي انا وزوجتي بعيدا عن المشاكل
والمراقبه حرفيا يا جماعه لان امي
يوميا عنده متكيه عندهم في البيت
،  كان يزورنا اخوي دائما

ويقعد مع ابوي بس كان يرفض
تماما انه يفتح موضوع امي والشرط
اللي حاطته كان يقول امي على
عيني وراسي بس زوجتي خط احمر
ولا يمكن اظلمها عشان ترضي غرور
امي انا كنت واقفه في النص
اشوف ابوي يذبل من الوحده واشوف
امي تزيد في عناده وما كنت

ادري ش السوات ؟ وكيف ممكن
نلم شمل هالبيت اللي تفركش في
لحظه غضب؟  الحين مرت شهور
اربع شهور تقريبا وامي لسه عند
خالتي والوضع زاد عن حده مثل
ما يقولون ، خالاتي بدل ما
يهدون امي ويرجعونها لبيتها صاروا يشيشونها
بزياده ويقولون لها ايه خلك قويه

خليه يعرف ان الله حق ،
 شلون يطلقك كذا عشان ذيك
الروسيه؟ ابوي حاول يرسل ناس يكلمون
عماتي حريم اعمامي سي كانت تقابلهم
بنفس الجمله الطلاق بالطلاق ولدي يطلقها
وانا ارجع ابوي وصل لمرحله من
الياس وصار يفكر جديا انه يتركها
على راحتها بس هو يحبها وعشره

عمر طويله ما تهون عليه بسهوله
انا صرت الوسيطه اللي تروح وتجي
اروح لامي واحاول ابوس راسها اقول
لها يا يما البيت مظلم بدونك
وابوي ماله ذنب واخوي مستحيل يطلق
زوجته وهم يحبون بعض بس كانت
تصد عني تقول انت لا تتدخلين
انت بكره تتزوجين وتعرفين انه كرامه

الام فوق كل شيء،  
صرت اشيل هم الروحه لها لان
كلامها كله سم وتجريح في اخوي
وزوجته وحتى في ابوي ، السالفه
كبرت وصلت لكل قرايبنا والكل صار
يسال ها ما رجعت امكم وهذا
الشيء كان يحز في خاطري ويحسسني
انه عيلتنا اللي كانت مضرب مثل

في الترابط صارت اضحوكه للناس بسبب
هالعناد المشكله الكبيره ان اخوي محمد
متمسك بزوجته اكثر من اول خاصه
انها الحين حامل وهذا الشي لا
يحس بمسؤوليه اكبر تجاهها وتجاه اللي
في بطنها لما درت امي بخبر
الحمل بدل ما تفرح وتلين زادت
حقده وقالت حتى لو حامل يطلقها

ما ابي هالاشكال تدخل بيتنا، 
هنا غسلت يدي من ان امي
ممكن تتغير باسلوب اللين ابوي لما
عرف رده فعلها تضايق وقال خلاص
انا سويت اللي علي وهي اختارت
تبعد من جد الحل؟ اخوي مستحيل
يضحي ببيته وزوجته،  وابوي مستحيل
يجبر ولده على خراب بيته وامي

راكبه راسها مستحيل ترجع بدون طلاق
زوجه اخوي. البيت صار كئيب وابوي
صار يقضي اغلب وقته في الاستراحه
او مع ربعه عشان يهرب من
ضيقه البيت. انا صرت اخاف على
ابوي من القهر والتفكير وبنفس الوقت
ماني قادره اقنع امي انه اللي
تسويه غلط وانها هي اللي بدات

بالظلم لما مدت يدها على بنت
عمي قدام الناس. اليوم انا جاي
اكتب لكم قصتي وانا كلي امل
انكم تلقون لي حل انا الحين
بين نارين نار ابوي اللي وحيد
ومكسور ونار امي اللي معانده مصممه
على خراب بيت اخوي اخوي كلمني
امس وقال لي بوضوح يا فلانه

قولي لامي لو تقعد ع سنين
ماني مطلق زوجتي واذا تبي ترجع
لبيتها ولابوي حياه الله بيتها ومكانها
موجود بس لا تطلب مني المستحيل
انا قلت له اخوي قول لامي
انك طلقت زوجتك خلي زوجتك تروح
تجلس مع اهلها يومين ثلاثه ،
وانت مو مطلقها اكذبوا على امي

عشان ابوي يرجع امي وبعدين خلاص
بعد ما هي تعرف تصطفل بس
اخوي يقول مستحيل انا اكذب ،
 امي الحين بدات تحس بالملل
في بيت خالتي وبدات تحس انه
الكل انشغل بحياته وهي لسه قاعده
بس كبريائها مانعها تتنازل يعني لو
اخوي سوى الحركه اللي انا قلت

له عليها ممكن تنحل المشكله يا
جماعه ما ادري ش اسوي كيف
اقنع امي ترجع لابوي بدون ما
اخوي يطلق زوجته هل في اسلوب
او طريقه ممكن تخليها تلين هل
طريقتي صح؟ انا خايف انه ابوي
يطفش ويقرر يتزوج واحده ثانيه تخدمه
وتونسه في وحدته وقتها امي بتخسر

كل شيء من جد تكفون ابي
نصيحتكم وشلون ننهي هالخلاف ونرجع المويه
المجاريها بدون ما نضحي باحد انتهت
القصه ٠