تقول صاحبة القصة: حضرنا زواج ولد
عمّي، كانت الأجواء حلوة وكل البنات
متجمعات، أنا كنت بالساحة الخارجية أتنفس
شوي شوي وأرتب طرحة. واحدة من
القريبات يوم لمحت بنت صغيرة شكلها
ضايعة تمشي بسرعة وتدور بعينها كأنها
تدور أحد. تمشي وتوقف تطالع الكل
ومرّة ترجع ومرّة تتقدم. رحت لها

وقلت: حبيبتي، وش تبين؟ قالت: تعرفين
أم المعرس؟ قلت: إيه. تبيني أوصلك
لها؟ قالت: لا، بس اعطيها هالكرت.
ومدت يدها وأعطتني ظرف أبيض. أخذت
الكرت منها وقلت لها: مين أنت؟
قالت: ما تعرفيني، بس اعطيها هالكرت
وهربت. أي والله، ركضت على بوابة
القاعة واختفت. ما قدرت ألحقها ولا

أعرف من وين جات. أنا مسكت
الكرت وقلبي يدق. الظرف أبيض عادي
ما عليه لا اسم ولا ختم،
لكني حسيت بشيء مو طبيعي. كأن
الكرت ذي مو دعوة ولا هدية،
والله ما أدري وش في. دخل
الشيطان فيني، بس قلت: أفتح وش
فيها يعني. فتحت الظرف ومن هنا

حياتي وقفت. لحظة، مكتوب بالكرت كلام
أقسم بالله ما توقعت أحد يكتبه
عن العروس. فلانة بنت فلان، ترى
كانت تسوي كذا وكذا وانتبهوا منها
وما هي الطيبة! أخ! كل كلمة
صادمة، كلها قـ' ـ ذف وهمز
ولمز. كأنها كاتبة فضيحـ'ـة. والله ما
قدرت أتنفس. وش هالخبـ'ـث ومن اللي

أعطى هالبنت المسكينة هالورقة؟ وش ذنب
العروس؟ وش ذنب أهلها؟ قفلت الكرت
بسرعة، جلست أدور مين ممكن يكون
وراها، بس الشيء الوحيد اللي قررته
من أول لحظة هالورقة ما توصل
لأحد، وأنا اللي أوقفها. دخلت الحمام،
أكرمكم الله، وقعدت أطالع الورقة أدور
اسم، ختم، شيء يثبت من كتبها.

ما في شيء لا رقم ولا
توقيع، بس الأسلوب أسلوب وحدة حـ'ـاقدة
تبي تفضـ'ـح وتكسر بنت بليلة زواجها.
ما قدرت أوقف تفكيري، لو البنت
أعطتها لأم العريس أو أحد فتحها
قدام الناس، يمكن يوقف الزواج، يمكن
العريس يشك، يمكن تنتهي حياتها وهي
ما تدري مين السبب. مسكت الورقة

وبدّيت أشقها. قطعتها، وكل تقطيعة أحس
إني قاعدة أقطع من وحدة ناوية
شر ببنت ما سوت شيء. ما
خليت فيها سطر واضح، ما خليت
حرف ينقرأ. قطعتها على مراحل ورميتها
في الحمام وحدة وحدة. طلعت وأنا
أتنفس بصعوبة، أحس إني سويت مصيبـ'ـة،
بس داخلي مرتاح. رجعت للزواج وكأني

ما سويت شيء، بس عيوني تدور
على العروس. وش ذنبها؟ وشلون الله
سلمني الورقة قبل لا توصل لأحد.
تأكدت إني كنت بمكان ما أحد
غيري كان ممكن يكون فيه، وكأني
كنت مرسولة لهاللحظة. رجعت أقعد بالمكان،
وكل البنات مبسوطات والعروس تضحك ومبينة
من قلبها. قلت: يا الله، وش

كان بيصير لو الكرت وصل؟ حاولت
أراقب الجو، ما في شيء غريب.
بس نظرات وحدة من قرايب العريس
ما عجبتني، كانت طول الوقت طالع
العروس من فوق لتحت وعيونها ما
تريح. قعدت أهمس لنفسي: يمكن هي،
يمكن اللي أرسلت الورقة، بس ما
قدرت أتأكد وكل اللي علي إني

دفنت السالفة بنفسي. مرت سنين، والعروس
هذه صارت ما شاء الله رمز
للهدوء والرزانة. الكل يحبها، زوجها يحلف
فيها، وأهلها دايم يمدحون تربيتها. وأنا
ما قدرت أنسى اللي صار. كل
مرة أشوفها أقول: يا الله، كيف
ورقة كانت تطلقها بلحظة، كيف كلمة
ممكن تكسر عمر، كيف خبـ'ًـث وحدة

ناوية شر كان يهدم حياة كاملة.
بس سبحان الله، كان الله اختارني
أكون حجابًا عنها ، حجابًا عن
كلمة كانت تذبحها وهي تضحك قدام
الناس. جتني يوم مناسبة وجلست جنبها،
قالت لي: أنا أرتاح لك، أحسك
نظيفة. قلب انهبلت كذا وقلبي دق
بقوة. كيف حست؟ بكيت وقلت: الحمد

لله إني كنت هناك ذاك اليوم.
ما اعترفت، ما فتحت الموضوع لأن
بعض البطولات لازم تبقى صامتة. مرت
صارت أم ممتازة، زوجها كل ما
يذكرها يقول: هي الخير كله. وأنا
كل ما تذكرت أقول: كان ممكن
يتغير كل هالشيء بورقة، بس ربي
ستر. ومن بعدها تعلمت أن الفضول

أحيانًا مو خطأ. أنا أول مرة
بحياتي أمد يدي على ظرف ما
هو لي، بس هالمرّة الفضول أنقذ
بنت. صار عندي مبدأ من ذيك
الليلة، إذا شفت شيء في خراب
بيد ناس مظلومين، لا تسكت ولا
تسمح لأحد يكسر أحد بكلام مكتوب
حتى لو كان بدون توقيع. هذه

مو سالفة، هذا موقف علمني إنه
الشر موجود، بس الله دايم يسخر
له ناس طيبين يوقفون له بوجهه.
وأنا للحين أقول: ما كنت البطلة
أنا، بس كنت وصية ستر الله
 ، خلونا نرجع ليوم العرس.
أنا رجعت للقاعة وقلب يدق. أحاول
أتصرف طبيعي، بس تفكيري كله بالكرت

اللي قطعته. كنت أطالع العروس من
بعيد، جمالها وقارها يردون الروح. ما
استوعبت إنه في أحد ممكن يحاول
يخرب عليها بهالطريقة البشعـ'ـة. حسيت إني
أنقذت إنسانة من كسر كبير، بس
بنفس الوقت كنت مرعوبة إذا أحد
درى ش صار. إذا الكرت له
نسخة ثانية، كنت أوسوس وأقنع نفسي

إني سويت الصح. مرّ الزواج مشى
طبيعي ولا أحد لاحظ شيء. العروس
كانت تضحك وتتصرف بثقة، أما أهلها
كانوا مبسوطين فيها بشكل واضح. مرت
الليلة، بس أنا ما نمت زين،
كل شوي اتذكر الكلام اللي بالكرت
وتفاصيله وتترسخ بذاكرتي. صح إني قطعته
ورميته، بس كنت أتساءل: ليه؟ ومين

ورا هالحركة؟ ليه أحد يبغى يخرب
زواج بنت بهالوقاحـ'ـة ؟ مرت الأيام،
وكل ما شفت العروس صدفة أو
سمعت عنها، قلبي يرتاح. البنت محترمة
ومثقفة وناجحة في شغلها، سمعتها طيبة.
كل مرة أشوف كيف الناس تحبها،
أقول: الحمد لله إني تدخلت. دخلت
بس عمري ما حكيت لأحد، حتى

أمي ما قلت لها. حسيت إنه
هالسر لازم يظل مدفونا، ولا أحد
يعرفه غيري. المهم بعد هالسنين كلها،
مرت في مرة كنا في مناسبة
عائلية، جتني وحدة من قريبات العروس،
سألتني: تتذكرين يوم الزواج؟ قلت: إيه.
قالت: سمعنا إنه في شيء غريب
صار قبل الحفلة بساعتين. حسيت دمي

تجمد وعيوني على طول راحت للعروس
اللي كانت تضحك مع الحريم. حاولت
أمسك أعصابي، قلت: وش قصدك؟ سمعنا
إنه أم العريس كانت معصبة فجأة،
بس بعدين هدت. غريب صح؟ هنا
زاد شكي إنه يمكن في أحد
درى شيء أو على الأقل كانت
في محاولة ثانية للتخريب. بس ما

تكلمت. قلت: يمكن مجرد صدفة أو
أنهم يتخيلون. اللي تأكدت منه إن
اللي كتب الكرت ما كان أول
مرة يسوي كذا. واضح إنه متعود
وعنده طريقة يعرف يتصرف فيها. بس
أنا كنت الأسرع وسبقت نيتهم السيئة.
المهم علاقتي تطورت مع هالعروس، بعد
بفترة جتني دعوة من العروس لحضور

عزيمتهم بالبيت. كانت مناسبة بسيطة بس
خاصة لأهلها. يوم دخلت، رحبت فيني
كأننا نعرف بعض من سنين. جلست
جنبها وقالت لي بهمس: أنا دائمًا
أحس إنك مختلفة عن الباقيين، فيك
طاقة أمان. ابتسمت وأنا أقول في
نفسي: لو تدرين وش حميتك منه.
المهم جلست وسولفت، وطلعت البنت من

أرقى الناس، وعائلتها من أرقى العائلات.
إلى اليوم، السر باقي عندي. ما
حكيته لأحد. يمكن يجي يوم أكشف،
ويمكن يظل معي للأبد. بس اللي
أعرفه إني غيرت حياة وحدة كانت
تستاهل الأفضل. والحين كل ما شفت
العروس تضحك مع عيالها، أقول: يا
ليت كل مرّة نواجه شر نجد

أحد عنده شجاعة يكسره قبل لا
يتمكن. البنت يوم عن يوم تبهرني.
بنت واثقة، تسوي خير، تحب أهل
زوجها حتى اللي كانوا يعارضون زواجها
بالبداية صاروا يحبونه. وأنا كل مرّة
أشوفها أذكر الظرف اللي قطعته، وأقول:
الحمد لله إني ما ترددت. أنا
كتبت هذه القصة لأني من فترة

تقريبًا من سنة قرأت في تويتر
إنه قصة عن وحدة تكلمت عن
نفس الشيء، وصلت لها ظرف فيه
صور للعروس وقطعته ورمته. وهذا الشيء
ألهمني إني أجي أقول القصة. ممكن
توصل لأي واحدة ممكن داخلة زواج
أو مناسبة، يوصل بيدها كرت أو
ظرف فيه فضيحـ'ـة للعروس أو لأي

أحد أو لأي شخص. خلوا الفضيحـ'ـة
توقف عندكم. خلوا هذا الشيء يوقف
عندكم، لا توصلوه. ومن الأشياء اللي
علمتني القصة هذه: أحيانًا لازم نصمت.
مو كل شيء نعرف لازم يقال.
أحيانًا نكون أبطال بصمتنا وبقوة قراراتنا
اللي ما حد يعرفها. أنا ما
سويت شيء عظيم، بس أفتخر باللي

سويته. دائمًا مرتاح ومبسوطة. هذا الشيء
يكفيني. تخيلوا لو في كل عائلة
في أحد يكشف الخبـ'ـث قبل لا
ينفجر. تخيلوا كم بنت ممكن تنقذ،
كم بيت ممكن ينجو، وكم قلب
ما ينكسر. القلوب الخبيثـ'ـة ما ترتاح،
بس الطيبين دايم يواجهون الشر بنيّة
صافية. وهذا اللي صار معي. اللي

كتب الكرت ما راح أعرفه يمكن
أبدًا، ولا ذيك البنت اللي وصلها
الظرف ما راح تعرفه أبدًا. ويمكن
هذا الشيء هو اللي ساعدني أنسى.
وممكن نسيت البنت، بس يكفيني إن
اللي حاول يخرب ما نجح. يمكن
نو شر، لكن الله لطف، وأنا
كنت واسطة خير. واللي يستحق الخير

دائمًا الله يرسل له شخص من
حيث لا يحتسب. هذه كانت قصتي،
أو بالأصح قصة الكرت اللي كان
ممكن يهد بيت ويظلم بنت بريئة.
الحمد لله إنه قلبي ما سكت،
والحمد لله إن الفضول خلاني أفتح
الظرف قبل لا يوصل لأحد. بعض
الناس ما تبغى الخير، بس الخير

دايم يلقى طريقه حتى لو وسط
الظلام. وانتهت القصة.