السلام عليكم أنا مساعد الشراري ،
وكل يوم راح انزل لكم قصة
منقولة من متابعيني لكن لا تنسون
تصلون على النبي وتتابعون حسابي وتشاركون
القصة مع أصحابكم ونبدأ قصتنا لليوم
؛  تقول صاحبه القصه :
اليوم جيت احكي لكم قصتي اللي
غصت بقلبي من سنين قصه بدات

من يوم كنت بزر في عائله
محافظه ومن يوم وعيت على الدنيا
وانا اسمع كلمه فلان لفلانه وكان
مصيرنا مكتوب قبل حتى ما نعرف
ش يعني حياه ،  ولد
عمي هذا كان دايم اسمه يتردد
في كل جمعه وفي كل عيد
وفي كل مناسبه عائليه هذا محجوز

لبنت عمه هذه لولد عمها فلان
 ، كانت عاداتنا تفرض علينا
هذا الشيء كانه قدر محتوم البنت
لولد عمها والولد لبنت عمه ،
ولا احد يتجرا يكسر هالقاعده كبرت
وانا اشوفه من بعيد في الاعياد
بس والله ما اذكر ملامح حسين
ولا عمري جلست معه وسولفت كان

بالنسبه لي غريب رغم انه ولد
عمي،  كنت دائم اسال نفسي
ليش ما لي حق اختار ليش
اسمي مرتبط باسمه وانا لسه ما
عرفت  ابي من الدنيا بس
كنت اسكت لان كلمه لا في
بيتنا كانت تعتبر عقوق خصوصا اذا
كان الموضوع يخص العادات والتقاليد ،

مرت السنين ودخلت المدرسه وتخرجت وصار
همي الوحيد هو دراستي احاول اشغل
نفسي عن هذا الموضوع اللي كان
دايم يطري على بالي،  كل
ما شفت نظرات عمي لابوي نظرات
كلها ثقه ،  انه البنت
لولدنا مرت الايام وتوظف ولد عمي
وصار رجال يعتمد على نفسه جاء

اليوم اللي كنت خايفه جاء وخطبني
رسمي من ابوي انا وقتها رحت
لابوي وقفت قدامه والرجفه في يديني
قلت له يا يبه انا ما
ابغاه مالي رغبه فيه،  ابوي
طالع فيني بنظره استغراب كاني كفرت
قال لي يا بنتي عاداتنا كذا
البنت لولد عمها وما نقدر نرفض

ونفشل عمك خلاص كلمتي واحده الموضوع
منتهي ، بكيت وانقهرت بس ش
اسوي كلمته هي اللي تمشي قلت
طيب اذا كان ولا بد انا
من حقي اشوفه نظره شرعيه رحت
لابوي قلت يا يبه دامك ملزم
انا ابي اشوفه نظره شرعيه شوفه
شرعيه الشرع يقول كذا انا ما

ابي اتزوج شخص ما عمري شفته
ابي اشوف وجه الشخص اللي بعيش
معه عمري كله هذا حقي ابوي
قال لي طيب يا بنتي عجبك
ولا ما عجبك انت لو بس
دامك تبينا النظره بنقول له ولما
ابوي نقل لولد عمي طلبي هنا
كانت الصدمه اللي ما توقعتها ،

ولد عمي زعل وشاش قال ما
يحتاج نظره شرعيه انا ابيها بدون
ما اشوفه البنت بنت عمي واعرف
ها ليش تطلب نظره؟ هذه كل
ثقه فيني زعل وسوى مشاكل وكبر
السالفه حسيت ان الموضوع قلب ضدي
! وانا اللي كنت بس ابي
حقي اللي ربي شرعه ليه المهم

رفض ولد عمي النظره الشرعيه انقلب
البيت فوق تحت تخيلوا عمي اتصل
على ابوي ، وهو معصب يقول
له بنتك تبي تشوف ولدي هي
ما تثق فينا ولا شايفه ان
ولدي فيه عيب يعني انا لين
دحين ماني عارفه ليش هم مكبرين
موضوع الشوفه الشرعيه ،  ابوي

كان بين نارين يبي يرضي اخوه
ويبي يسكتني دخل علي الغرفه وانا
اصيح قال لي شفتي ش سويتي
ولد عمك زعل واخوي هاوشني ويبي
يقاطعني بسبتك كل هذا الحين العيله
كلها تتكلم عننا انا يا بنات
كنت مصدومه انا ش اللي سويته
طلبت حقي طلبت اشوف الرجال اللي

بقابله كل يوم بوجهي ، 
بدات القطيعه بين البيتين عمي حلف
ما يطق بابنا مره ثانيه ولد
عمي صار يقول انا اللي ما
ابيها دام هذه بدايتها وشروط خلاص
انا عفتها خواتي وبنات عمي بداوا
ينقولون لي كلام اللي تقول والله
انك ضيعتي رجال ذهب واللي تقول

الحين مين بياخذك بعد ما رفضتي
ولد عمك وفشلتينا كنت اسمع واسكت
بس داخلي كنت احس براحه غريبه
كان جبل ونزاح عن صدري الموقف
اللي صار والزعل اللي كبر كان
بالنسبه لي طوق نجاه ، 
بس ما كنت اقدر اقول كده
قدام ابوي اللي كان يشوفني تمردت

على العادات وكسرت هيبته مرت الشهور
وحنا بهذا الحال لا كلام ولا
سلام مع بيت عمي المشاكل كبرت
لدرجه ان حتى في العيد ما
صرنا نجتمع مثل الاول امي كانت
دائما تلومني تقول يا بنتي لو
انك سكتتي ووافقتي كان الحين انت
في بيتك معززه مكرمه شوفي الحين

كيف صرنا علق في لسان القرايب
قلت لها يا يما هو اللي
رفض وهو اللي زعل من شرع
الله انا ما سويت شيء غلط
بس الصدق كنت احس بضيق كل
ما شفت ابوي جالس لحاله متكدر
لان اخوه قاطعه يعني ماني عارفه
هل انا السبب في هالتفكك ولا

لا ؟ في وسط هالمعمعه بدات
تطلع سوالف ثانيه سمعت ان ولد
عمي خطب واحده ثانيه من برا
العيله هنا الدنيا قامت وما قعدت
عند عمي وابوي ابوي حس بالاهانه
كيف يخطب غريبه وبنت عمه موجوده
؟  بس الحقيقه ان ولد
عمي كان يبي يثبت انه يقدر

يعيش حياته بدوني وانه هو اللي
عافني انا لما سمعت الخبر قسم
بالله اني سجدت سجود شكر، 
كنت اقول في نفسي الحمد لله
اللي فكني منه بس المشاكل اللي
صارت بها العائله ما انتهت بالعكس
زادت الحساسيات وصار كل واحد يرمي
نغزات على الثاني في المجالس وانا

صرت في موقف لا احسد عليه
اشوف العاصفه من بعيد احاول افهم
هل فعلا زواج الاقارب يستاهل كل
هالتضحيات وكل هالمشاكل؟  وهل الغلط
مني لاني بغيت اشوفه ولا منهم
من اهلي من اعمامي ومن ابوي
اللي يشوفون العادات فوق كل شيء
المهم بعد ما خطب ولد عمي

البنت الغريبه السالفه كبرت والحريم في
الجمعات ما عندهم سيره الا سالفتنا
،  شفتوا ش صار بنت
فلان طلبت شوفه شرعيه فقام ولد
عمها خطب غريبه وتركها كانهم يصورون
ان اللي صار انتقام لكرامته انا
كنت اسمع هالكلام واحاول نفسي ما
اسمع بس داخلي كنت احترق من

نظرات الشفقه اللي ما لها داعي
،  ابوي صار يتهرب من
المجالس اللي فيها عمي وعمي صار
يصور للناس انه بنت اخوي هي
اللي عسرت الامور وولدي ما قصر
جاء من الباب بس لقى ناس
تتشرط المشكله يا جماعه كل المنطقه
اللي احنا فيها يتزوجون زواج اقارب

يعني البنت ولد عمها كل شيء
متعارف عليه ،  وما عندهم
شوفه شرعيه ف ماني عارفه المهم
المشكله انه هالاجواء المشحونه بدات تاثر
على علاقتي باخواتي!  تخيلوا صاروا
يقولون انت شفتي ش سويتي الحين
حتى حنا تتعطل نصيبنا الناس بيقولون
هذه عيله راعيه مشاكل ويتشرطون وما

حد يجي يخطبنا ما حد يطق
بابنا  كاني انا اللي وقفت
بوجه نصيبهم قعدت افكر ليه الموضوع
صار كذا انا بس طلبت اشوف
الرجال هل كرامه ولد عمي اغلى
من حقي الشرعي؟  وليش هو
اصلا ******* من طلبي ؟ هل
كان خايف اني ارفضه بعد ما

اشوفه؟  هالتساؤلات كانت تاكل في
راسي بس كنت اقول في نفسي
الحمد لله انه الحمد لله انه
جت منه يعني يوم انه زعل
من طلب بسيط زي كذا اجل
كيف لو عشت معه صارت بيننا
مشاكل صدق ش بيسوي المهم بدات
تطلع اخبار عن خطيبه ولد عمي

الجديده وبداوا الناس يقارنون بيننا هذه
احلى هذه اهدى هذه وافقت بدون
شروط هذه وهذه كل هالكلام يوصلني
بس والله ما هز فيني شعره
لاني كنت مقتنعه ان اللي يرفض
يعطيني حقي في النظره ما يستاهل
التفت له بس اللي اوجعاني صدق
هو حال ابوي شفته يوم بالصاله

جالس ويقلب في الجوال وسالته ش
فيك يا يبا؟ قال هو متضايق
عمك منزل صور ببيت خطيبة ولده
راحوا وهناك عاملين عشاء وكذا ولا
اخذني معاه ولا قال لي صرنا
اغراب !  يا بنيتي هنا
حسيت بغصه حسيت اني انا السبب
في كسر هالعلاقه القويه اللي كانت

بينهم ابوي كان دايم يفتخر باخوه
واخوه ذا اقرب واحد له من
بين عمامه والحين صاروا ما يتشاوهون
الا بالصدفه ويسلمون من طرف خشمهم
القطيعه ،  هذه خلتني اراجع
كل شيء هل فعلا انا غلطت
يوم قلت ابي حقي ولا الغلط
في العادات اللي تخلي الرجال يشوف

طلب البنت اهانه من جد صرت
منبوذه في بيتنا كل ما صارت
مشكله اوضاق الخلق يحطونها براسي ويقولون
هذا من يوم تفركشت خطبتك والحال
مو زين والله اتمنى لو اني
اقدر اصلح اللي انكسر بين ابوي
وعمي بس في نفس الوقت ما
كنت ابي اضحي بنفسي وارجع اوافق

على واحد ما يبي يحترم ابسط
حقوقه،  المهم جا يوم زواج
ولد عمي تخيل العيله كلها كانت
مستنفره وانا واهالي جالسين في بيتنا
ابوي رفض يروح العرس قال كيف
اروح وانا ماانعزمت  ؟، وعمي
ارسل بطايق الدعوه للكل الا لبيتنا
كانه يبي يقول للعالم اننا خلاص

صدق ينقطعنا امي كانت تبكي واخواتي
يطالعوني بنظرات كلها لوم شفتي اليوم
عرس ولد عمك واحنا محبوسين بالبيت
بسبتك ما نقدر نحضر عرسه ،
انا كنت جالسه في غلفتي احاول
اشغل نفسي باي شيء بس كسره
خاطر ابوي مره كاسره خاطري، 
في ذيك الليله طلعت للصاله ولقيت

ابوي جالس بالظلام يطالع طالع بالشباك
في اتجاه بيت عمي رحت وجلست
عند رجوله قلت له يبه سامحني
اللي ضايقت صدرك طالع فيني ودموع
بعينه ، قال لي بنتي انا
ما يهمني الزواج اللي كاسر ظهري
انه اخوي اللي ولدته امي باعني
وباع عشره سنين عشان السالفه تافهه

كيف نسي اننا ******* واحد هنا
تاكدت ان الموضوع اكبر من نظره
شرعيه واكبر من زواج الموضوع صار
تحدي كرامه لعمي وولده يعني يا
جماعه الخير العيله تشققت لي نصين،
 وصار في حساسيات حتى بين
البزارين في الشارع ولد فلان ما
يلعب مع ولد فلان المهم بعد

العرس بشهرين بدات تطلع السوالف من
بيت ولد عمي تعرفون العوائل ما
في شيء يتخبى بدوا الناس ينقولون
لنا انه ولد عمي مو مرتاح
وانه زوجته بدات تتشرط وتطلب اشياء
ما تعودنا عليها في عائلتنا وصار
في مشاكل بينها وبين ام زوجها
امي لما تسمع هالسوالف يرتفع عندها

هرمون الشماته شوي وتجي تقول لي
شفتي حوبه ابوك ما تعدته خذ
الغريبه اللي يقولون عنها زينه شوفي
الحين كيف منشف ريقه ؟، انا
كنت اقول لها يا يما الله
يستر عليهم ما نبي نشمت باحد
بس الصدق كنت احس بغرور داخلي
كان الزمن جالس يقول لي زين

انك ما صرت في مكانه بس
المصيبه وين ان عمي بدل ما
يراجع نفسه صار يحط اللوم علينا
صار يقول هذا سـ،ـحر بنت اخوي
سـ،ـحرت ولدي عشان ما يتوفق تخيلوا
لوين وصلت المواصيل!،  بداوا يتهموني
باشياء تخوف بس عشان يبررون فشل
اختيارهم القطيعه اللي كانت زعل تحولت

لعداوه رسميه ابوي انهار لمن سمع
انه اخوي يتهم بنته بالسـ،ـحر وصلت
الامور انهم صاروا يتهاوشون في المسجد
قدام الجماعه هنا انا الصدق كرهت
اليوم اللي انولدت فيه ، كرهت
كلمه زواج من اساسها حسيت انه
اسمي صار مقرون بالمشاكل والشر ،
وانا والله ما لي ذنب الا

اني بغيت اشوف وجه الرجال قبل
ما اصير بذمته صرت اخاف اطلع
من البيت اخاف من نظرات الناس
اللي صاروا يشوفوني البنت اللي خربت
العيله وسـ،ـحرت ولد عمها ، يا
بنات وصلت السالفه لمرحله ما يتخيلها
عاقل ابوي اللي كان دايم صبور
وحليم خلاص قفلت معه لما وصلوا

كلام عمي واتهامي بالسـ،ـحر ! حس
انه كرامه ان مست في اغلى
ما يملك وهي سمعت بنته تدرون
ايش سوى جمع كبار العيله جدي
واخوانه واعمام الباقيين وعيالهم الكبار قال
لهم انا ماني بساكت اللي يرمي
بنتي بالباطل كانه رماني في عرضي
والدم اللي بيننا صار مويه خلاص

وصارت جلسه حق وكلام كبير ،
وعمي بدل ما يعتذر زاد في
عناده وقال ولدي من يوم تفركشت
خطبته وهو مو طبيعي وزواجه الجديد
كله مشاكل ،  وش تبوني
اقول؟ المهم حرفيا صارت قطيعه بين
عمي وابوي هناك رسميا مو بس
قطيعه عداوه حتى جدي ما قدر

يصالحهم واخواتي صاروا في ذيك الايام
ما يسولفون معي ، يحسون اني
نحسه على البيت فصرت كل ما
شفت ابوي داخل ووجهه مسود من
الهم اموت في مكاني الف مره
حتى القرايب اللي كانوا محايدين بداوا
يميلون لجهه عمي لان ولد عمي
كان يتمسكن قدامهم ويسوي نفس الضحيه

اللي انظلم وخربت حياته بسبه دلع
بنت عمه وشروطها اللي ما لها
داعي حسيت اني وحيده ما لي
الا سجاده صلاتي اشكي لربي همي
وادعي انه يظهر الحق ويفكنا من
هالدائر اللي ما تنتهي ومرت سنه
كامله على هالحال سنه من الجفا
والقطيعه اللي تقطع القلب وفي يوم

سمعنا ان ولد عمي طلق زوجته
اي والله وطلقها  ورجعها لبيتهم
،  وهو رجع لبيت ابوه
مكسور طلعت السالفه مو سـ،ـحر ولا
هم يحزنون طلعت زوجته شخصيتها قويه
وما ناسبت طبعهم،  وكانت ترفض
تدخلات ام زوجها في حياتها وهو
ما قدر يواجهها لما صار الطلاق

عمي ما لقى شيء يقوله ولما
هدت الامور عمي راح لجدي وطلب
انه يتصالح مع اخوه جاني ابوي
في الغرفه كان وجهه فيه راحة
اول مره من زمان ، 
قال لي يا بنتي الحين ظهر
الحق ولد عمك ما طلق الا
بسبه طبعه وطبع اهله وانت ربي

نجاك منه بس السالفه ما انتهت
هنا تدرون ش التساؤل اللي ذابـ،ـحني
الحين ولد عمي بعد ما طلق
بدا يرسل جدي واعمامي الثانيين يبي
يرجع يخطبني من جديد يقول الحين
عرفت قدر بنت عمي وابوي صار
يطالعني كانه يقول ش رايك يمكن
هذه فرصه نرجع العيله لبعض وننهي

هالقطيعه انا الحين في حيره ما
يعلم فيها الا الله ، 
هل اوافق واضحي برغبتي وبنفسي عشان
صله الرحم وعشان ترجع علاقه ابوي
وعمي ولا اتمسك برايي وارفض الشخص
اللي ظلمني واتهمني بالسـ،ـحر وصدق فين
الكلام كده يتجراون ويطلبون السماح وهم
اللي كسروني وكيف اقدر ارجع اثق

في انسان عافني بسبب نظره!! 
السالفه الحين بيدي بس والله ان
الحمل ثقيل والخوف ذابـ،ـحني ماني عارفه
وش اسوي اكتبوا لي ارائكم راح
اقرا كومنت كومنت انتهت القصه