السلام عليكم، أنا مساعد الشراري، وكل
يوم راح أنزل لكم قصة منقولة
من متابعيني، لكن لا تنسون تصلون
على النبي وتتابعون حسابي وتشاركون القصة
مع أصحابكم. ونبدأ قصتنا لليوم. قصة
اليوم عنوانها "الزوجة الثانية". قصة واقعية
عن واحدة كان زوجها كل شيء
بحياتها، لين بيوم انقلبت الدنيا وتزوج

عليها. بس بدل ما تنكسر، خلت
كل أحد يندم أنه قلل منها.
ويا ريتكم تسمعون للنهاية، لأن النهاية
ما تشبه البدايات أبداً. تقول صاحبة
القصة، أنا نورة، عمري وقتها 32
سنة متزوجة من خالد من ثمان
سنوات وعندي منه ولدين. كنت أحسبه
توأم روحي، ما عمري شكيت فيه،

ولا حتى خطر ببالي أنه ممكن
يخون. كنت أعيش معاه على الحلوة
والمرّة من يوم تزوجنا وقلبي معه
ويدي بيده. بس فجأة، بدون مقدمات،
جاني خبر كأنه أحد ضـ،ـربني بكف
بارد. خالد تزوج علي أقرب صديقاتي
ريم، كانت هي اللي قالت لي.
قالتها كذا: "نورة، تجهزي في شيء

لازم تعرفينه. خالد متزوج من أسبوعين."
ضحكت وقلت: "يا بنت تمزحين!" قالت:
"لا، ما أمزح ولا شيء، شفتهم
بعيني. هو وهي يمشون بالأسواق وفي
ناس تعرفهم، أكدوا لي." وقتها قلبي
طاح برجولي، حسيت الدنيا تدور وأنا
ما عاد أفهم شيء. كيف وليه
ومتى؟ أنا زوجته وحبيبته وأم عياله.

ش ناقصني؟ ليش تزوج علي؟ رجعت
البيت وأنا منهارة، بس ما بينت
له. سويت نفسي عادية، بس قلبي
كان يولع نار. كنت أراقبه أتابع
تصرفاته، أدور أي شيء يوضح لي
صدق اللي سمعته أو لا. بس
خالد ، ما كان نفسه، صار
يغيب كثير. صوته صار بارد حتى

لما أتكلم، يحاول يغير الموضوع. لأن
في يوم قررت أواجهه، جلست قدامه
وقلت له: "خالد، انت تزوجت؟" سكت،
ما قال لا، ما حاول ينكر،
بس نزل راسه وقال: "أي، تزوجت."
هاللحظة ما راح أنساها أبداً. كان
شيء انكسر بداخلي، قلت له: "ليش؟
أنا ش سويت لك؟ كنت مقصرة

معك بشيء." قال: "لا والله ما
قصرتي، بس حسيت أني أبي أعيش
تجربة جديدة، تجربة." أنا كنت تجربة
سنين عمري معك، صرت فجأة خيار
قابل للاستبدال. طلعت من عنده وقلبي
يحترق، بس قلت بنفسي: إذا ما
احترمني أنا اللي راح أعلمه كيف
يحترم. ومن هنا قررت أغير كل

شيء. أول شيء سويته، رجعت أوقف
على رجولي. كنت مأجله أحلامي وهواياتي
وطموحي عشان خالد وبيتي. الحين وقفت
ومسحت دمعتي وقلت: "الحياة ما توقف
على أحد." رجعت للجامعة، كملت دراستي
اللي كنت مأجلتها، سجلت بدورات، تعلمت
لغة، رجعت ألبس وأهتم بنفسي بس
عشان نفسي. حتى عيالي علمتهم أنه

أمهم قوية وأن الدنيا إذا حاولت
تكسرنا، إحنا نكسرها برجولنا. خالد 
كان يراقب من بعيد، يحاول يفهم
التغير، بس أنا ما كنت أعطيه
أي تبرير. خليته يشوف نفسه أنه
نورة اللي كان يظنها تنكسر، قامت
وقامت أقوى. بس الغريب، الزوجة الثانية
كانت تتدخل في حياتي بكل وقاحة.

مرة ترسل لي رسالة من رقم
غريب تقول: "أنا آسفة إذا جرحتك،
بس أنا أحب  خالد." بعد
تحبينه، ما حبيتيه إلا بعد ما
شفتيني. أنا كيف أعيش معه؟ ما
شفت الحب إلا من بيتي. ما
رديت عليها لأني ما أنزل نفسي
لمستوى هالوقاحة. بس سويت شيء أذكى.

صرت أطلع وأسوي نفسي عايشة حياتي.
أتصور، أضحك، أطبخ، أسافر. خليت الكل
يشوف إنه نورة بخير. حتى لو
قلبي موجوع. هي كانت تحترق لأنها
تبي تشوفني مهزومة، بس ما أعطيتها
هالفرصة. مرت شهور، كنت في كل
مرة أصير أقوى. مو لأن الألم
راح، بس لأن الكسر ما عاد

يوجع زي أول. كنت أسمع من
الناس خالد دايم يتهاوش مع زوجته
الجديدة. ما في تفاهم بينهم، وكل
شوي يرجع لبيتي متضايق. أنا كنت
ساكته، بس من داخلي أقول: "الله
لا يردك، أنت اللي اخترت." ما
عاد أنا اللي أركض ورا حب
أحد ولا اللي تتوسل اهتمام. خلاص،

نورةا القديمة راحت، والحين أنا إنسانة
ثانية. إنسانة تعلمت تحب نفسها وتعرف
ش تستاهل. في يوم، رجع خالد
من الدوام كان واضح عليه التعب.
جلس على الكرسي وقال لي: "نورة،
ممكن نتكلم شوي؟" قلت: "أكيد، تفضل."
قال: "أنا غلطت وتسرعت، كنت أظن
أني أقدر أعيش حياتين. بس اكتشفت

أنه اللي بيننا ما يتكرر وأنني
خسرت أعظم واحدة بحياتي." ما رديت،
ناظرت له بنظرة تقول: "متأخر كثير.
أنا مو قاسية، بس أنا عرفت
قدري وعرفت أن اللي يختار غيري
في عز عطائي ما يستاهل." رجعت
وأنا في قمة قوتي. قلت له:
"الله يسامحك، بس قلبي ما عاد

نفس قبل. ما عاد فيني أعيش
على حفة الوجع." ومن بعدها بدأ
خالد يحاول يرجع الأمور مثل قبل.
صار يهتم، يرسل لي ورد، يكتب
لي رسائل، يحاول يرجع العلاقة، بس
كنت ثابتة. ما أعطيت قلبي فرصة
يطيح من جديد. كنت أبي أتأكد
أنه فهم الدرس وأنه مستعد يخسر

الدنيا عشان يرجع قلبي. في يوم،
جلس قدامي وقال: "نورة، قررت أطلق
الزوجة الثانية. ما أريد أحد يشاركني
حبك، ولا أريدك تحسين أني اخترت
غيرك." وقتها سكتت، قلبي كان يدق،
بس عقلي اللي كان يقول: "تأكدي،
لا تتهورين." قلت له: "سوي اللي
تشوفه، بس لا تسوي شيء عشاني.

سوي أنك تبي ترجع للصح." مرت
الأيام، وصدمت القرار اللي أخذه خالد
كانت واضحة. طلق الثانية فعلاً، وسمعت
من الناس أنها كانت تصيح وتطالب
الطلاق. وبهذا، انا ارتحت منها للأبد.
صح أن ضميري ما نبني عليها،
لكن كان هذا الحل الوحيد لاستقرار
بيتي. حسبي الله ونعم الوكيل على

كل ظالمة. بقلبي يوم صرتي تضحكين
بدون ما اكون السبب  اني
ضيعت شيء كبير واني ابغى ابدا
من جديد بس اذا انت تبغين
سكتت شوي بعدها قلت انا ماني
نورة الاولى انا الحين نورة اللي
تحب نفسها اكثر من اي احد
فاذا بتكون معي لازم تحترمني ضعف

اللي كنت اسويه قبل قال اوعدك
ومن هاللحظه بدانا من جديد بس
بشروطي وبوعي وبكامل قوتي الحين بعد
سنتين من التجربه اللي كادت تدمرني
انا صرت نورة اللي الكل يحترمها
اللي ما تكسرت رغم الصدمه واللي
عرفت توزن بين القلب والعقل علاقتنا
الحين مو مثل الحكايات علاقتنا مبنيه

على صدق ووضوح ما فيها خيانات
ولا اسرار صرت اقول لكل واحده
تمر بنفس اللي مريت انك تتالمين
طبيعي بس انك تنهارين لا ارفعي
راسك وامشي وخلي اللي تركك يندم
مو لانك انتقمتي بس لانك كبرتي
وهو ظل بمكانه في نهايه قصتنا
ما كانت الزوجه الثانيه هي النهايه

كانت مجرد بدايه لتحول نورة من
ضعيفه الى قويه تعرف قيمتها تعلمنا
منها ان كرامه المراه ما تنكسر
وان الحب بدون احترام ما يسوي
ريال مهما صار لا تسمحين لاحد
يقلل منك ولا تصيرين نسخه تبكي
في الزاويه قومي امسحي دمعتك وكملي
لان الله مع القلوب اللي ما

تظلم