السلام عليكم أنا مساعد الشراري ،
وكل يوم راح انزل لكم قصة
منقولة من متابعيني لكن لا تنسون
تصلون على النبي وتتابعون حسابي وتشاركون
القصة مع أصحابكم ونبدأ قصتنا لليوم
؛ تقول صاحبة القصة، أبى أحكيكم
قصتي وباذن الله تكون ملهمة ولا
تيأسون من الدعاء. أنا وحدة تزوجت

ورزقني الله بنتين وانفصلت عن زوجي.
هذول البنتين أبوهم تزوج وبعدها زوجة
أبوهم صارت تضربهم فأخذتهم عندي. ربيتهم
تعبت عليهم، كنت والله العظيم أشتغل
في مشغل. متخصصة بالفرد والبروتين وكذا.
والله العظيم أنه أثر علي حتى
صار عندي ربو مزمن. فالمهم بس
عشان أني أوفر لهم كل شيء

يحتاجونه لأن أبوهم ما يصرف عليهم
ولا يسأل ولا يدري عنهم. رغم
أني كنت أتواصل مع ناس وساطات
بيني وبينها ترى بناتك بناتك خليهم
يتعرفون على إخوانهم. ما لهم بعد
الله إلا أنت ثم لكن لا
حياة لمن تنادي. كنت إذا رحت
أتقضى لهم أخليهم يشترون أغلى الأشياء

وأنا أشتري من التخفيضات عشان ما
ينقص عليهم ولا شيء. لما وصلوا
للمرحلة الثانوي تقريبا ثاني ثانوي، سبحان
الله الحكمة من ربي يعلمها يعني
تعرفون وقتها سبحان الله تعرفوا هم
على بنات مو كويسات. فأحس بناتي
وقتها كأن من بدلهم كأنهم تغيروا
هذول مو بناتي اللي أنا ربيتهم

فجأة كذا انقلبوا. صاروا وقـ،ـحات قليلات
أدب شرسات ما غير ينافقون علي.
تركوا الصلاة والحجاب مع أن احنا
من أسرة جدا محافظة والحمد لله
أنا ملتزمة يعني سبحان الله شوفوا
كيف قديش كان الابتلاء جدا عظيم
علي. والله لدرجة صرت ما أدري
وين أنا فيه من كبر الهم

اللي فيني. المهم جاء بيني وبينهم
موقف ما أدري إيش اللي صار.
فجأة الكلام مني ومنهم. فجأة قالوا
لي ترى احنا بنشتكيك أنت أم
معنـ،ـفة. تعرفون الهبة والموضة هذه اللي
طلعت. فيوم شفت إنه خلاص أنا
ما عاد قدرت إني أسيطر عليهم،
والله العظيم تعبت، مرضت. رحت قلت

لأبوهم تعال خذ بناتك. والله العظيم
إنه ما يرد ولا شيء، أصمخ
ما يسمع لي بشيء يخص بناته،
ما له دخل. قمت والله رحت
المحكمة. ورفعت دعوى إنه هو يتولى
بناته وهو الولي الشرعي عليهم. فحكم
وقتها الشيخ إنه هو يتولى فعلًا
بناته، إيش سوى؟ الأخ إيش سوى؟

راح حطهم. في شقة، استأجر لهم
شقة جنب المدرسة حقتهم، وحطهم فيها
لحالهم. وهو راح ما سكن معاهم،
ما يدري عنهم. حطهم بس بالشقة
وخلاص. وأنا ما أدري متى يطلعون.
مع مين يروحون. مين اللي يجيهم
في الشقة. يداومون ولا لا. ينامون
ولا لا. صح هم ما غلطوا

هذاك الغلط، وهو كان فيهم يعني
طيش وتهور. لكن الحمد لله ما
كان فيهم انحرافات أخلاقية، فأنا يوم
شفت الوضع كذا تجننت زيادة. قلت
خلاص والله هون علي. إنه أنا
أتحمل ملاسنهم. ولا إنهم يعيشون بذا
الوضع. رحت أرجع للمحكمة مرة ثانية،
قلت لهم ترى وضعهم ساء أكثر

من أول. وإن أبوهم مو مهتم
فيهم، وأنا أبغاهم يرجعون تحت. ولايتي
أنا. بس. عندي شرط إنه ينفق
عليهم، والله يعيني. لكن قالوا لي
المحكمة لا، أنت الدعوى خلاص رفعتيها
وخلاص. نطق فيها الحكم. الأول. اكتبي
خطاب لمدير مكتب القاضي واشرحي له
كل شيء بالوضع. والله يا ذاك

اليوم إني رجعت من المحكمة الدنيا
كلها. سودا بوجهي. حزن الدنيا كلها
متجمعة. في قلبي. دموعي ما وقفت
شلال، من طلعت من المحكمة ذيك
لين دخلت بيتي. من كثر الهم.
أبطلع أبطلع كذا، أبطلع من جلدي،
ما أدري فين أروح. وأطلع يومها
فوق السطح، وأرفع وجهي لله. أكلم

ربي، اللي يشوفني يقول أنا مجنونة.
وأصيح، تخيلوا أصيح وأبكي، أبكي كذا،
أرفع يدي فوق. أقول يا رب،
يا رب لا تخليني. يقولون لي
كلمي مدير المكتب, كلمي و كلمي
و أكتبي, أنا ما أعرف طيب
ذي الأشياء. يا رب أنت تعلم
بحالي, أنت تعلم تفاصيل حياتي, أنت

تعلم أنا إيش سويت, أنت تعلم
أنا إيش بذلت لهذول البنات, يا
رب أنا خلاص ما عاد أقدر,
يا رب ربهم لي, يا رب
رد بناتي الرد الجميل, أصلح حالهم,
أسترهم بسترك, وأبكي و أبكي, أنا
أدري وقتها و متيقنة يقين تام
ربي أعلم بحالي. يوم خلصت و

قلت اللي في خاطري, و بكيت
و شكيت. و قلت يا رب
مالي غيرك, الأرض كلها و كل
اللي فيها ما حد ينفعني غيرك
يا رب أنك تسخرهم لي. وجهوني
لوجهة يا رب أنا ما أعرفها,
أنقذني, أنقذ بناتي, أنا مالي غيرك.
خلاص حسيت أن قلبي أرتاح, يكفي

أني بكيت بكيت, تعرفون يوم تكون
على حضـ،ـن شخص, تعالى الله عن
ذلك, و كذا تحسونكم خلاص أرتحتم
راحة نفسية, أنا هذاك الشعور حسيتو
وقتها. و أنزل من السطح, توضيت,
تجهزت لوقت الصلاة, غفيت كذا لين
يأذن العصر. تجيني ذيك الغفوة, و
أنام ما أشوف نفسي. إلا أنا

دخلت مكان فيه نور, يعني. نور
مو زي اللمبات كذا و الشمس,
لا كأن في وحدة جالسة على
السجادة, كأنها أنا, يعني أنا كأني
أشوف نفسي, هذه الوحدة تدعي, ما
في صوت, كأنها أنا أكلمها و
تسمعني و ترد علي. فأقول لها,
إيش إيش قاعدة تسوين؟ قالت أدعي

الله. قلت لها يا الله شفتي
ربي؟ قالت إيوه. و يقول, قولي
لفلانة أني أنا سمعتها. و قمت
و أنا سبحان الله من ذيك
 الحلم مدري هو حلم مدري
هو رؤيا. خلاص كأنه برداً و
سلاماً على قلبي. سبحان الله بعدين
جتني سكينة و طمأنينة, طمأني ربي,

الحمد لله يعني ربي سمع شكواي,
و يا رب لك الحمد تتولى
علي الانفراجات وارجع اروح للمحكمة مرة
ثانية واجلس عند القاضي ومن تيسير
لتيسير لتيسير الين رجعوا بناتي لي
والزم ابوهم بالانفاق عليهم سبحان الله
نقلوا بناتي من المدرسة لسوء اخلاقهم
يعني انا كنت اشوفه شر لهم

ويروحون مدرسة ثانية هذاك الوقت كنت
احس بشر ويعتبر شر انك تنقلين
من مدرسة لسوء اخلاقك الم بالنسبة
لي وانه ال يستدعونك المدرسة عشان
يطلعون بناتك من المدرسة لان فيهم
كذا وكذا المهم تجرعت المرارة هذه
ونقلتهم مدرسة ثانية وسبحانك يا رب
يسخر لهم ربي معلمات صالحات ويهدي

الله بناتي هداية لا اله الا
الله كان لم يمسهم سوء ومن
اعجب الاشياء اللي كنت ادعي ربي
فيها واقول يا رب في الثانوي
هذا حالهم وحالي معاهم انا كذا
وادعي وادعي اقول يا رب ما
يدخلون الجامعة الا وهم تحت ولاية
رجال كفو صالحين متقين وانت مصلح

لبناتي يا رب العالمين وسبحانك يا
رب تمر الايام والسنين وينخطبون بناتي
الثنتين من معلمتين كل وحدة من
المعلمات خطبت وحدة لولدها وحدة لاخوها
ويتزوجون ويدخلون الجامعة وهم مع زواجهم
الان انا جدة الحمدلله جاني احفاد
وبناتي والله انهم ما يجلسون ويقومون
الا يحبون يديني وراسي وصاروا من

اصلح الناس واهداهم واتقاهم سبحانك يا
رب فعلا ربي سمعني ربي استجاب
لي وفقني الله تزوجت وجالي اطفال
وزوج حبيب تقي طيب واخلاق توالت
علي النعم يا رب لك الحمد
فالله الله في شكر النعم واستشعار
النعم كم وحدة جتها مشكلة يمكن
اكبر من مشكلتي او اصغر او

اعظم فالان احنا في عشر ذي
الحجة هذه ايام مو عادية هذه
من أحب الأيام إلى الله سبحانه
وتعالى, ويمكن فيها دعوة تغير حياتك
كلها, لا تدخل هذه الأيام وقلبك
ساكت, ادعوا الله بكل اللي تتمناه,
حتى الأشياء اللي تشوفها مستحيلة, لأن
الله لا يعجزه شيء. ادعوا الله

وأنتم موقنين أن الله سبحانه وتعالى
يسمعكم ويعرف كسركم ويقدر يبدل حالكم
من حال إلى حال في لحظة.
لا يجيكم هذا الإحباط أنه يا
الله أنا دعيت كثير, دعيت, دعيت,
ما صار, ما صار. يمكن هالأيام
تحديداً تكون باب الإجابة, باب الفرج
اللي أنت قاعد تنتظره سنين. أكثروا

من الإستغفار والدعاء والتكبير والصدقة والصلاة
على النبي صلى الله عليه وسلم,
قربوا قلوبكم من الله, أجمل الأقدار
تبدأ بدعوة صادقة في وقت مبارك,
ادعوا بكل الدعوات اللي بقلوبكم, ادعوا
بكل الأمنيات الكبيرة, بكل الأشياء الصغيرة,
بكل اللي تخافون تقولونها للناس. بس
أهم شيء ادعوا قلوبكم حاضرة, لا

يكون الدعاء مجرد كلمات تتكرر, خلوا
قلوبكم تستشعر أن الله سبحانه وتعالى
يسمع ويرى ويقدر يغير كل شيء.
قولوا دائماً دعواتكم بيقين وبصدق, بإحساس
المحتاج لربه, فرب دعوة خرجت من
قلب حاضر فتحت أبواب فرج ما
كانت بالحسبان. النبي صلى الله عليه
وسلم يقول: ادعوا الله وأنتم موقنون

بالإجابة, واعلموا أن الله لا يستجيب
دعاءً من قلب غافل لاه. يعني
مو كل دعاء يطلع من اللسان
يوصل للقلب, أحياناً نكرر الكلام وحنا
مشغولين, مستعجلين, أو حتى مو مستشعرين
أن حنا واقفين بين يدين الله
سبحانه وتعالى. الله يحب يشوف منك
قلب حاضر, قلب يدعي وهو محتاج

فعلاً, موقن أن الله يسمعه ويقدر
يغير حاله مهما كان حاله صعب.
مو المطلوب فصاحة ولا كلام طويل،
المطلوب صدق الشعور. تكون دعوة طالعة
من قلب مكسور، حاضر مع الله.
أنا أعرف إن في ناس يمكن
كثرة الخيبات عليهم خلتهم يتعبون، يمكن
طول الانتظار خلاهم يحسون إن دعواتهم

بعيدة، لكن الله سبحانه وتعالى ما
كان يوم من الأيام بعيد عنك،
حتى في اللحظة اللي أنت قلت
فيها يا ربنا خلاص تعبت. الله
سبحانه وتعالى يسمعك، يعلم إيش اللي
في قلبك أكثر منك. لا تترك
الدعاء لأن الوقت طال. ترى في
أقدار تتأخر لأنها عظيمة، في جبر

يجي بعد صبر طويل لدرجة إنه
ينسيك كل اللي فات. الله سبحانه
وتعالى قادر يغير حياتكم بدعوة واحدة.
وقادر يفتح لكم باب بعد ما
ظنيتم إن كل الأبواب انتهت وأغلقت،
لا تيأسون. يمكن الدعوة اللي بتقولونها
الليلة تكون بداية الفرج اللي أنتم
انتظرتموه سنين طويلة. أنا أوصيكم ونفسي

بالدعاء، لا تفوتون هذه الأيام الفضيلة.
يا رب يا رب يا رب،
اللهم اجعلنا ممن إذا دعوك أجبتهم
وإذا سألوك أعطيتهم وإذا رجوك ما
خيبت ظنهم، يا رب اللهم ارزقنا
قلوبًا حاضرة ويقينًا كاملًا بك. واجعل
دعواتنا لا ترد، وافتح لنا أبواب
الخير والفرج والطمأنينة من حيث لا

نحتسب. اللهم إنا أحسنا الظن بك،
فلا تخيب لنا رجاء. واجعل لنا
في هذه الأيام المباركة دعوات مستجابة
تغير حياتنا كلنا للأجمل، يا رب
كل من سمعني في هذا المقطع
وكل من قال آمين إنك تجعل
لدعواتهم نصيب، يا رب ما يجي
عرفة الجاي إلا كل دعواتهم مجابة،

يا رب أنا ومتابعيني، قولوا آمين
قولوا آمين قولوا آمين، وأتمنى أنكم
تضمون اسمي في دعواتكم، جزاكم الله
عنا كل خير. انتهت القصة ٠